ରାୟଗଡ଼ା: ସମସ୍ତ ରୀତିନୀତି ସହ ଶେଷ ହେଲା ରାୟଗଡାର ଅଧିଷ୍ଠାତ୍ରୀ ଦେବୀ ମା' ମଝିଘରିଆଣିଙ୍କ ଝାମୁଯାତ୍ରା । ବିଷୁବ ସଂକ୍ରାନ୍ତି ଠାରୁ ୫ ଦିନ ଧରି ଚାଲିଥିବା ଏହି ଯାତ୍ରାର ଆଜି ପୂର୍ଣ୍ଣାହୁତି ହୋଇଛି । ଏଥିପାଇଁ ରାଜ୍ୟ ତଥା ରାଜ୍ୟ ବାହାରର ହଜାର ହଜାର ଭକ୍ତଙ୍କ ଭିଡ଼ ଦେଖିବାକୁ ମିଳିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ଗତ ୧୫ ତାରିଖରୁ ମନ୍ଦିର ନିକଟରେ ଥିବା ମାଁଙ୍କ ପ୍ରାଚୀନ ମନ୍ଦିରରୁ ପାଦ ଅଣା ଯାଇ ଏହି ଯାତ୍ରାର ଆରମ୍ଭ ହୋଇଥିଲା । ପ୍ରତ୍ୟେକ ଦିନ ଓଡିଶା ସମେତ ଆନ୍ଧ୍ରପ୍ରଦେଶର ହଜାର ହଜାର ଭକ୍ତମାନେ ମନ୍ଦିରରେ ସ୍ଥାପିତ ହୋଇଥିବା ଦେବୀଙ୍କ ପାଦକୁ ଦର୍ଶନ କରିଥିଲେ ।