ବାହୁଡାରେ ଅଘଟଣ, ସିଡି ଧସି 17 ଛାତ୍ରୀ ଆହତ

ରାୟଗଡା ଜିଲ୍ଲା ଟିକିରିରେ ଅଘଟଣ । ବାହୁଡା ଯାତ୍ରା ଦେଖିବା ବେଳେ ସିଡି ଧସି 17 ଛାତ୍ରୀ ଆହତ । ସେମାନଙ୍କୁ ମଧ୍ୟରୁ 2 ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି ।

ରାୟଗଡା: ବାହୁଡା ଯାତ୍ରା ବେଳେ ଅଘଟଣ । ସିଡି ଧସି ହୋଇ 17 ଛାତ୍ରୀ ଆହତ । ରାୟଗଡା ଜିଲ୍ଲା ଟିକିରିରେ ଘଟିଛି ଏହି ଦୁଃଖଦ ଘଟଣା । ସମସ୍ତ ଛାତ୍ରୀଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରେ 2ଜଣ ଗୁରୁତର ହେବାରୁ ତାଙ୍କୁ କୋରାପୁଟ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଛି ।

ସୂଚନା ଅନୁଯାୟୀ, ଟିକିରିରେ ବାହୁଡା ଯାତ୍ରା ଚାଲିଥିଲା । ବାହୁଡା ଯାତ୍ରା ଦେଖିବା ପାଇଁ କେତେକ ଛାତ୍ରୀ ସ୍ଥାନୀୟ ସ୍କୁଲ ବିଲଡିଂର ସିଡିରେ ଚଢିଥିବା ବେଳେ ହଠାତ୍ ସିଡିଟି ଧସି ପଡିଥିଲା । ଫଳରେ 17 ଜଣ ଆହତ ହୋଇଥିଲେ ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ