ରାୟଗଡା: ଆଦିବାସୀ ଅଧ୍ୟୁଷିତ ଅଞ୍ଚଳ ରାୟଗଡା ଜିଲ୍ଲାରେ ଶିକ୍ଷା ପ୍ରଭାବର ସେମିତି ଆଖିଦୃଶିଆ ଦେଖିବାକୁ ମିଳେନାହିଁ । ଫଳରେ ଅଞ୍ଚଳରେ ଅନ୍ଧ ବିଶ୍ବାସ, କୁପ୍ରଥା ଭରପୁର ରହିଛି । ଜିଲ୍ଲାର ଡଙ୍ଗରିଆ, କୂଟିଆ,କୁଇ କାନ୍ଧ ସମ୍ପ୍ରଦାୟରେ କନିଆ ଝିକା ପରମ୍ପରା ରହିଛି । ଏପରିକି ଜିଲ୍ଲାରେ ବାଲ୍ୟବିବାହ କୁପ୍ରଥା ରହିଛି । ସରକାରୀ ରିପୋର୍ଟ ମୁତାବତ, ଜିଲ୍ଲାରେ 34.4 ପ୍ରତିଶତ ଯୁବତୀ 18 ବର୍ଷରୁ କମ ଅର୍ଥାତ 14ରୁ 17 ବର୍ଷ ମଧ୍ୟରେ ବିବାହ କରିଥାନ୍ତି । ଏପଟେ ଜିଲ୍ଲାର ଲିଙ୍ଗ ଅନୁପାତକୁ ଯଦି ଧ୍ୟାନ କରାଯାଏ ତେବେ 1000 ପୁରୁଷ ମଧ୍ୟରେ 1051 ଜଣ ମହିଳା ରହିଛନ୍ତି ।
ବାଲ୍ୟ ବିବାହ ରୋକିବାକୁ ରାୟଗଡାରେ କର୍ମଶାଳା ଆୟୋଜିତ ଅନ୍ୟ ଜିଲ୍ଲା ଭଳି ଏଠି ମଧ୍ୟ ବାଲ୍ୟବିବାହ ରୋକିବା ପାଇଁ ଜିଲ୍ଲା ପ୍ରଶାସନର ସମାଜ ମଙ୍ଗଳ ବିଭାଗ ଠାରୁ ଆରମ୍ଭ କରି ବିଭିନ୍ନ ସ୍ବେଚ୍ଛାସେବୀ ଅନୁସ୍ତନ ସହ ଆକ୍ସନ ଏଡ଼ ଭଳି ଆଗ ଧାଡିଆ ଅନୁଷ୍ଟନ କାମ କରୁଛନ୍ତି । ବାଲ୍ୟବିବାହ ପ୍ରଥାକୁ ପ୍ରତିହତ କରିବାକୁ ରାୟଗଡା ଜିଲ୍ଲା ଗୁଣୁପୁର ବ୍ଲକ କାର୍ଯ୍ୟାଳୟ ପରିସରରେ ବାଲ୍ୟ ବିବାହ ନିଷେଧ ସମ୍ପର୍କିତ ଏକ କର୍ମଶାଳା ବ୍ଲକ ଅଧ୍ୟକ୍ଷା ଦେବକୀ ଗମାଙ୍ଗ ଙ୍କ ସଭାପତିଙ୍କ ଅନୁଷ୍ଠିତ ହୋଇଥିଲା । ଏହା ଏକ ଆଦିବାସୀ ଅଧ୍ୟୁଷିତ ଅଞ୍ଚଳ ହୋଇଥିବାରୁ ତୃଣମୂଳ ସ୍ତରରେ କାର୍ଯ୍ୟ କରୁଥିବା ଆଶା, ଅଙ୍ଗନବାଡି କର୍ମୀ ମାନେ ଲୋକଙ୍କୁ ସଚେତନ କରିବା ଉପରେ ବିଡିଓ ଶାନ୍ତିପ୍ରଭା ପ୍ରଧାନ ଗୁରୁତ୍ବାରୋପ କରିଥିଲେ । ଯେଉଁଠି ଏଭଳି ଘଟଣା ଘଟୁଛି ତୁରନ୍ତ ଶିଶୁବିଭାଗ କିମ୍ବା ପୋଲିସକୁ ଖବର ଦେବାକୁ କୁହାଯାଇଛି । ଅନ୍ୟପଟେ କେନ୍ଦ୍ର ସରକାର ଯୁବତୀଙ୍କ ବିବାହ ବୟସ ୧୮ ରୁ ୨୧କୁ ବୃଦ୍ଧି କରିବା ଯୋଜନା କରୁଛନ୍ତି ।
ରାୟଗଡାରୁ ରଞ୍ଜନ ରଥ,ଇଟିଭି ଭାରତ
