ସାପ କାମୁଡାରେ ୫ ବର୍ଷୀୟ ଶିଶୁ ମୄତ

ଗୁରୁବାର ନରେନ୍ଦ୍ର ଲିମା ନାମକ ଜଣେ ୫ ବର୍ଷୀୟ ଶିଶୁର ସାପ କାମୁଡାରେ ମୃତ୍ୟୁ ଘଟିଛି ।

ରାୟଗଡା: ସାପ କାମୁଡାରେ ଜଣେ ୫ ବର୍ଷୀୟ ଶିଶୁର ମୃତ୍ୟୁ ଘଟିଛି । ଏଭଳି ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲାରେ । ମୃତ ଶିଶୁ ଜଣଙ୍କ ହେଲେ ନରେନ୍ଦ୍ର ଲିମା।

ସୂଚନା ଅନୁଯାୟୀ, ଗୁରୁବାର ମଧ୍ୟାହ୍ନ ୧୨ଟା ସମୟରେ ନରେନ୍ଦ୍ର ନିଜ ଘର ବାରଣ୍ଡାରେ ଥିବା ଖଟ ଉପରେ ଖେଳୁଥିବା ସମୟରେ ଏକ ବିଷଧର ସାପ ତାଙ୍କୁ କାମୁଡିଥିଲା । ଏହାପରେ ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣାଯାଇଥିଲା ।

ମାତ୍ର ସେଠାରେ ନରେନ୍ଦ୍ରଙ୍କ ମୃତ୍ୟୁ ହୋଇଥିବା ବେଳେ ଡାକ୍ତର ଓ ନର୍ସଙ୍କ ଅବହେଳା ଯୋଗୁଁ ପୁଅର ମୃତ୍ୟୁ ହୋଇଥିବା ବାପା ଜଗନ ଲିମା ଅଭିଯୋଗ କରିଥିଲେ । ଏହାପରେ ମୁଖ୍ୟ ଚିକିତ୍ସାଳୟ ଏହି ଘଟଣାକୁ ନେଇ ଉତ୍ତେଜନା ଦେଖା ଦେଇଥିଲା ।

ଏପଟେ ନରେନ୍ଦ୍ରଙ୍କ ମା ଫୁଲମତି ନିଜ କାନ୍ଧରେ ପୁଅର ମୃତଦେହକୁ ନେଇ ଚିକିତ୍ସାଳୟରୁ ଅଧା ବାଟ ଚାଲିଯିବା ବେଳେ ପୋଲିସ ଘଟଣା ସ୍ଥଳରେ ପହଞ୍ଚି ବୁଝାସୁଝା ପରେ ଉତ୍ତେଜନା ହ୍ରାସ ପାଇଥିଲା

ରାୟଗଡାରୁ ରଞ୍ଜନ ରଥ, ଇଟିଭି ଭାରତ