ରାୟଗଡା: ପୁଣି ଶ୍ରମ ବିଭାଗର ବିଫଳତା ପଦାକୁ ଆସିଛି । ତେଲେଙ୍ଗାନା ପୁଲିସ ଦ୍ଵାରା 8 ଜଣ ନାବାଳକ ଏବଂ ନାବାଳିକା ଉଦ୍ଧାର ପରେ ଗୁମର ଖୋଲିଛି ଜିଲ୍ଲା ଶ୍ରମ ବିଭାଗର । ତେଲେଙ୍ଗାନା ରାଜ୍ୟରେ ଚାଲିଛି ଅପରେସନ ମୁସ୍କାନ କାର୍ଯ୍ୟକ୍ରମ । ବିଭିନ୍ନ ସୂତ୍ରରୁ ଖବର ପାଇ ତେଲେଙ୍ଗାନା ରାଜ୍ୟର ସୁରିୟାପେଟା ଜିଲ୍ଲା ସଦର ମହକୁମା ଠାରେ ଏକ ସିମେଣ୍ଟ କାରଖାନାରେ କାମ କରୁଥିବା ବେଳେ 8 ଜଣ ନାବାଳକ ଏବଂ ନାବାଳିକାଙ୍କୁ ଉଦ୍ଧାର କରିଛି ତେଲେଙ୍ଗାନା ପୋଲିସ ।
ଅପରେସନ ମୁସ୍କାନ; ୮ ଶିଶୁ ଶ୍ରମିକଙ୍କୁ ଉଦ୍ଧାର କଲା ତେଲେଙ୍ଗାନା ପୋଲିସ
ସମସ୍ତଙ୍କ ବୟସ 15 ରୁ 17 ମଧ୍ୟରେ ହୋଇଥିବା ସୂଚନା ମିଳିଛି । ରାୟଗଡା ଲକ୍ଷ୍ମୀ ନଗରର 7 ଜଣ ନାବାଳକ ଓ ଜଣେ ନାବାଳିକା ରହିଥିବା ବେଳେ ଜଣଙ୍କର ଘର କାଶୀପୁର ବ୍ଲକରେ ବୋଲି ଜଣାପଡିଛି । ତେଲେଙ୍ଗାନା ରାଜ୍ୟର ସୁରିୟାପେଟା ଜିଲ୍ଲା ସଦର ମହକୁମା ଠାରେ ଏକ ସିମେଣ୍ଟ କାରଖାନାରେ ଏମାନେ ଜଣେ ଦଲାର ସାହାଯ୍ୟରେ କାମ କରୁଥିଲେ । ସମସ୍ତ ଶିଶୁ ଶ୍ରମିକଙ୍କୁ ତେଲେଙ୍ଗାନା ପୋଲିସ ଗତ ମାସ ୨୯ ତାରିଖରେ ଦିନ ଉଦ୍ଧାର କରିଥିଲେ।