ରାୟଗଡ଼ା: ମୁନିଗୁଡା ପୋଲିସକୁ ମିଳିଛି ପୁଣି ଏକ ବଡ଼ ସଫଳତା l ବିଶେଷ ସୂତ୍ରରୁ ଖବର ପାଇ ଗତକାଲି(ମଙ୍ଗଳବାର) ଅପରାହ୍ନରେ ମୁନିଗୁଡା ଏସଡ଼ିପିଓ ଆକାଶ ଚନ୍ଦ୍ର ସାହୁ ଓ ଥାନା ଅଧିକାରୀ ସୁଜ୍ଞାନୀ ସାହୁଙ୍କ ନେତୃତ୍ବରେ ଏକ ଟିମ ଚନ୍ଦ୍ରପୁର ବ୍ଲକର କୁଟୁଡୁକୁପା ଗ୍ରାମ ନିକଟ ଜଙ୍ଗଲରେ ଚଢାଉ କରିଥିଲେ । ସେଠାରେ ଗଞ୍ଜେଇ ବିକ୍ରି ପାଇଁ ଯୋଜନା ଚାଲିଥିବା ବେଳେ ଚଢାଉ କରି 4 ଜଣକୁ ଗିରଫ କରିବା ସହ ବିପୁଳ ପରିମାଣରେ ଗଞ୍ଜେଇ ଜବତ କରିଛି ପୋଲିସ ।
6 କ୍ବିଣ୍ଟାଲ 53 କେଜି ଗଞ୍ଜେଇ ଜବତ, 4 ଗିରଫ
ଗିରଫ ଗଞ୍ଜେଇ ମାଫିଆ ମାନେ ହେଲେ ଭୀମ ଜାଗାରାଙ୍ଗା, ପ୍ରସାଦ ଜାଗାରାଙ୍ଗା, ତ୍ରିନାଥ ଜାଗାରାଙ୍ଗା ଓ କବିରାଜ ଜାଗାରାଙ୍ଗା l ଯବତ ହୋଇଥିବା ଗଞ୍ଜେଇର ଓଜନ 6 କ୍ବିଣ୍ଟାଲ 53 କେଜି ହୋଇଥିବା ବେଳେ ଏହାର ଆନୁମାନିକ ମୂଲ୍ୟ 60 ଲକ୍ଷ୍ୟରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି l