ରାୟଗଡା: ପୁଣି ୪୭ ନୂଆ କୋରୋନା ଆକ୍ରାନ୍ତଙ୍କୁ ମିଶାଇ ରାୟଗଡାରେ ମୋଟ ସଂକ୍ରମଣ ସଂଖ୍ୟା ୧୨୪ ଛୁଇଁଲା । କୋଭିଡ଼-୧୯ ଦ୍ଵିତୀୟ ଲହର ଆରମ୍ଭରୁ ରାୟଗଡା ଜିଲ୍ଲାରେ ସଂକ୍ରମଣ ଆରମ୍ଭ ହୋଇଯାଇଛି ।
ଦିନକରେ ରାୟଗଡରୁ ପୁଣି ୪୭ କୋରୋନା ଆକ୍ରାନ୍ତ ଚିହ୍ନଟ
ସେମାନଙ୍କ ମଧ୍ୟରୁ ରାୟଗଡା ସହରରୁ ସର୍ବାଧିକ ୩୯ ରହିଥିବାବେଳେ, କାଶୀପୁରରୁ ୨ଜଣ, ଗୁଣପୁର ସହରାଞ୍ଚଳରୁ ୪ଜଣ, ମୁନିଗୁଡ଼ାରୁ ଜଣେ ଏବଂ ରାୟଗଡ ଗ୍ରାମାଞ୍ଚଳରୁ ଜଣକୁ ମିଶାଇ ୪୭ ଜଣ କୋରୋନା ଚିହ୍ନଟ ହୋଇଛନ୍ତି । ଆଜିର ୪୭ ଜଣଙ୍କ ମଧ୍ୟରେ ପୁରୁଷ ୨୮ଜଣ ରହିଥିବାବେଳେ ମହିଳାଙ୍କ ସଂଖ୍ୟା ୧୯ ରହିଛି । ଏନେଇ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ବସନ୍ତ ପ୍ରଧାନ ସୂଚନା ଦେଇଛନ୍ତି ।