ରାୟଗଡା: ନିୟମ ଉଲଙ୍ଘନ କରି ବିଦେଶୀ ମଦ ଦୋକାନ ଖୋଲିଥିବା ଅଭିଯୋଗରେ ଲାଇସେନ୍ସ ରଦ୍ଦ କରିବାକୁ ଜିଲ୍ଲାପାଳଙ୍କ ଫେରାଦ ହେଲେ ଗ୍ରାମବାସୀ । ରାୟଗଡା ଜିଲ୍ଲା କୋଲନରା ବ୍ଲକ ଚାନ୍ଦିଲି ସ୍ଥିତ JK ମେନ ରୋଡ଼ ଏବଂ ପେଣ୍ଟା ସ୍ଥିତ ସରମାପଡାରେ ଖୋଲା ଯାଇଥିବା ବିଦେଶୀ ମଦ ଦୋକାନ ସମ୍ପୂର୍ଣ୍ଣ ନିୟମ ଉଲଙ୍ଘନରେ ଚାଲିଥିବା ଅଭିଯୋଗ ହୋଇଛି ।
ବିଦେଶୀ ମଦ ଦୋକାନକୁ ରଦ୍ଦ କରିବା ଦାବିରେ ଜିଲ୍ଲାପାଳଙ୍କ ଦ୍ବାରସ୍ତ ଗ୍ରାମବାସୀ
ଆଜି(ବୁଧବାର) 2 ଟି ପଞ୍ଚାୟତ ବାସିନ୍ଦା ଏନେଇ ଜିଲ୍ଲାପାଳଙ୍କୁ ଏକ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଅନୁଯାୟୀ ଜନ ଗହଳି ଏବଂ ସ୍କୁଲ, ମନ୍ଦିର ଭଳି ସ୍ଥାନରେ ଖୋଲାଯାଇଥିବା ମଦ ଦୋକାନ ସମ୍ପୂର୍ଣ୍ଣ ଭାବରେ ନିୟମ ଉଲଙ୍ଘନ କରି ଜୋର ଜବରଦସ୍ତ ରାତାରାତି ଖୋଲା ଯାଇଛି । ଏନେଇ ସରପଞ୍ଚ କିମ୍ବା ସ୍ଥାନୀୟ ଲୋକଙ୍କୁ ଜଣା ଯାଇନାହିଁ । ଯାହା ଫଳରେ କୋରୋନା କଟକଣା ସ୍ଥିତିରେ ରୋଜଗାର ପନ୍ଥା ହରାଇ ମାନସିକ ଚାପରେ ଭାରାକ୍ରାନ୍ତ ହୋଇ ମଦ ପିଇ ପରିବାରରେ ଅଶାନ୍ତି ସୃଷ୍ଟି କରିଥିବା ଅଭିଯୋଗ କରିଛନ୍ତି ।