ପୁରୀ: ପୁରୀରେ ଅଘଟଣ । କଲଭର୍ଟରୁ ଖସି ପଡ଼ିବାରୁ ଯୁବକଙ୍କ ଛାତିରେ ପଶିଗଲା ବାଉଁଶ । ଗୁରୁତର ଅବସ୍ଥାରେ କଟକ ବଡ ମେଡିକାଲକୁ ସ୍ଥାନାନ୍ତର ହେଲେ ଯୁବକ । ଗୁରୁତର ଯୁବକ ହେଉଛନ୍ତି ତଳଜଙ୍ଗ ଗ୍ରାମର ତପନ ପରିଡା ।
ସୂଚନାଅନୁସାରେ, ନଳା ଉପରେ ଥିବା କଲଭର୍ଟ ଉପରେ ବସିଥିଲେ ଯୁବକ । ହଠାତ୍ ତଳକୁ ଖସି ପଡିବାରୁ ଯୁବକଙ୍କ ଛାତିରେ ବାଉଁଶ ପଶି ବେକରେ ବାହାରି ପଡିଲା । ପୁରୀସଦର ଚନ୍ଦନପୁର ଥାନା ଅନ୍ତର୍ଗତ ତଳଜଙ୍ଗ ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ଗୁରୁତର ଅବସ୍ଥାରେ ଯୁବକଙ୍କୁ ୧୦୮ ଆମ୍ବୁଲାନ୍ସ ଯୋଗେ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।