ପୁରୀ: ବନ୍ଦ ଘରୁ ମିଳିଲା ମହିଳାଙ୍କ ଝୁଲନ୍ତା ମୃତଦେହ। କୋଣାର୍କ ଥାନା ଠାରୁ ମାତ୍ର 100 ମିଟର ଦୂର ୧୦ ନମ୍ବର ୱାର୍ଡ ରାଣୀହାଟ ସାହିର ଏକ ଭଡା ଘରୁ ମିଳିଛି ଏହି ମୃତଦେହ। ମହିଳା ଜଣଙ୍କ ହେଲେ ମଧୁସ୍ମିତା ସାହୁ।
ବନ୍ଦ ଘରୁ ମିଳିଲା ମହିଳାଙ୍କ ଝୁଲନ୍ତା ମୃତଦେହ
ଆଠଗଡ କାନପୁର ଗାଁରେ ତାଙ୍କ ଘର ହୋଇଥିବାବେଳେ 2018 ରୁ ସେ କୋଣାର୍କ ଠାରେ ଇଣ୍ଡିଆନ ଅଏଲ ଫାଉଣ୍ଡେସନ ପକ୍ଷରୁ ନିର୍ମିତ ବାଖ୍ୟାନ କେନ୍ଦ୍ରରେ ମହିଳା ଜଣଙ୍କ ସିକ୍ୟୁରିଟି ଭାବରେ କାର୍ଯ୍ୟରତ ଥିଲେ । ତେବେ କୋଣାର୍କ ରାଣୀହାଟ ସାହିର ଏକ ଭଡା ଘରେ ଜନୈକ ମହିଳା ଦୀର୍ଘ ଦିନ ଧରି ରହି ଆସୁଥିବାବେଳେ ମହିଳା ଜଣଙ୍କ ପୂର୍ବରୁ ବିବାହିତ ଥିଲେ ହେଁ ସ୍ବାମୀଙ୍କର ମୃତ୍ୟୁ ଘଟିଥିବା ଜଣାପଡିଛି।
ତାଙ୍କର ଏକ 8 ବର୍ଷର କନ୍ୟା ସନ୍ତାନ ଅଛି । ଦୀର୍ଘ ଦିନ ଧରି କୋଣାର୍କରେ ଏକୁଟିଆ ଏକ ଭଡା ଘରେ ରହି ଆସୁଥିବା ବେଳେ ମହିଳା ମଙ୍ଗଳବାର ବିଳମ୍ବିତ ରାତିରେ ବେକରେ ନିଜ ପିନ୍ଧା ଲୁଗା ଦ୍ବାରା ଫ୍ୟାନରେ ଆତ୍ମହତ୍ୟା କରିଥିବା ଦେଖିବାକୁ ମିଳିଥିଲା।