ପୁରୀ: ଆଜି ଶ୍ରୀକ୍ଷେତ୍ରରେ ଭଉଁରୀ । ମହାପ୍ରଭୁଙ୍କ ବାହାର ଚନ୍ଦନ ଯାତ୍ରାର ଶେଷ ଦିନ । ଚଳିତ ବର୍ଷ କୋରୋନା କାରଣରୁ ବାହାର ଚନ୍ଦନ ନୀତି ମନ୍ଦିର ଭିତରେ ସଂପନ୍ନ ହେଉଛି । ତେଣୁ ଶ୍ରୀକ୍ଷେତ୍ରରେ ଭଉଁରୀର ସମସ୍ତ ନୀତି ଏଥର ମଧ୍ୟ ମନ୍ଦିର ଭିତରେ କରାଯିବ ।
ଭଉଁରୀ ତିଥିରେ ଚକ ଅଖ ଡେରା କାର୍ଯ୍ୟ ସମ୍ପନ
ସେପଟେ ପରମ୍ପରା ଅନୁଯାୟୀ ଆଜି ତିନି ରଥର ୩ ନାହାକା ଅଖରେ ଚକ ସଂଯୋଗ ଅନୁକୂଳ ହୋଇଛି । ଏହିକ୍ରମରେ ତିନି ରଥର ତିନୋଟି ଅଖରେ ମୋଟ୍ ୬ଟି ଚକ ସଂଯୋଗ କରା ଯାଇଛି । । ଭଉଁରୀ ତିଥିରେ ତିନି ପୂଜାପଣ୍ଡା ସକାଳ ଧୂପ ପରେ ମହାପ୍ରଭୁଙ୍କ ନିକଟରୁ ୩ଟି ଆଜ୍ଞାମାଳ ଆଣି ତିନି ରଥର ଚକ ଅଖ ନିକଟରେ ଲାଗି କରିବା ପରେ ମୁଖ୍ୟ ବିଶ୍ୱକର୍ମା ମାନଙ୍କୁ ଶାଢୀ ବନ୍ଧା ଯାଇଥିଲା ।