ପୁରୀ:ସାରା ଦେଶରେ ଅଗ୍ନିପଥ ଯୋଜନାକୁ ବିରୋଧ କରାଯାଉଛି । ଯୋଜନା ପ୍ରତ୍ୟାହାର ଦାବିରେ ଅନେକ ରାଜ୍ୟରେ ହିଂସାକାଣ୍ଡ ଘଟି ଶତାଧିକ କୋଟିର ଜାତୀୟ ସମ୍ପତ୍ତି ନଷ୍ଟ ହୋଇଛି । ବିଶେଷକରି ହିଂସା ପ୍ରଦର୍ଶନରେ ସବୁଠୁ ଅଧିକ କ୍ଷତି ସହିଛି ଭାରତୀୟ ରେଲୱେ । ଯାହାକୁ ଘୋର ନିନ୍ଦା କରିଛନ୍ତି କେନ୍ଦ୍ରମନ୍ତ୍ରୀ ବିଶେଶ୍ବର ଟୁଡୁ ।
ଅଗ୍ନିପଥ ହିଂସା ପଛରେ ରାଜନୀତି ରହିଛି: କେନ୍ଦ୍ରମନ୍ତ୍ରୀ
ସେ କହିଛନ୍ତି, ''ଏହି ହିଂସା ପଛରେ ରାଜନୀତି ରହିଛି । ଯୁବକଙ୍କୁ ଭୁଲ ବାର୍ତ୍ତା ଦେଇ ହିଂସାକାଣ୍ଡ ଘଟାଯାଇଛି । ଦେଶ ମାତୃକାର ସେବା ପାଇଁ ଅନ୍ୟ ଦେଶରେ ମଧ୍ୟ ଏଭଳି କିଛି ବ୍ୟବସ୍ଥା ରହିଛି । ଶତ୍ରୁ ରାଷ୍ଟ୍ରର ମୁକାବିଲା ନିମନ୍ତେ ଯୁବପିଢ଼ିଙ୍କୁ ଉପଯୁକ୍ତ ପ୍ରଶିକ୍ଷଣ ଦେଇ ପ୍ରସ୍ତୁତ ରଖିବାକୁ ବିଭିନ୍ନ ରାଷ୍ଟ୍ର ଅଗ୍ନିପଥ ଭଳି ବ୍ୟବସ୍ଥା କରିଛନ୍ତି ।''