ବିଚାରାଧୀନ କଏଦୀଙ୍କ ମୃତ୍ୟୁ

ଟିକନା ସ୍ଥିତ ପୁରୀ ଜେଲରେ ଜଣେ ବିଚାରାଧୀନ କଏଦୀଙ୍କ ମୃତ୍ୟୁ ଘଟିଛି । ମୃତ କଏଦୀ ହେଉଛନ୍ତି ସମୁଦ୍ରକୂଳ ଥାନା ବାଙ୍କୀମୁହାଣର ୫୦ ବର୍ଷୀୟ ଶ୍ରୀଧର ଦାସ । ଅଧିକ ପଢନ୍ତୁ...

ପୁରୀ:ପୁରୀ-କୋଣାର୍କ ରୋଡ ଟିକନା ସ୍ଥିତ ପୁରୀ ଜେଲରେ ଜଣେ ବିଚାରାଧୀନ କଏଦୀଙ୍କ ମୃତ୍ୟୁ ଘଟିଛି । ମୃତ କଏଦୀ ହେଉଛନ୍ତି ସମୁଦ୍ରକୂଳ ଥାନା ବାଙ୍କୀମୁହାଣର ୫୦ ବର୍ଷୀୟ ଶ୍ରୀଧର ଦାସ । ଶନିବାର ସେ ଅସୁସ୍ଥ ହେବା ପରେ ତାଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ସେଠାରେ ତାଙ୍କର ମୃତ୍ୟୁ ଘଟିଥିଛି । ରାମଚଣ୍ଡୀ ଥାନା ପୋଲିସ ମୃତଦେହ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଛି । ଆଜି ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହକୁ ବ୍ୟବଚ୍ଛେଦ କରାଯାଇଛି ।

ତେବେ ଗତ ଗୁରୁବାର ଜେଲ ଭିତରର ଝଗଡାକୁ ନେଇ ଅନ୍ୟ ଜଣେ କଏଦୀ ଶ୍ରୀଧରଙ୍କୁ ମାଡ଼ ମାରିଥିବା ପରିବାର ଲୋକେ ଅଭିଯୋଗ କରିଛନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ