ପୁରୀ: ଶ୍ରୀମନ୍ଦିରକୁ ଆତଙ୍କବାଦୀ ବିପଦ । ଗୁଇନ୍ଦା ବିଭାଗ ରିପୋର୍ଟ ପରେ ସୁରକ୍ଷା ବ୍ୟବସ୍ଥା କଡାକଡି । ସମୁଦ୍ର ପଥ ଦେଇ ପୁରୀରେ ପ୍ରବେଶ କରିବେ ଆତଙ୍କବାଦୀ । ନିକଟରେ ଆତଙ୍କବାଦୀ ସଂଗଠନ ପୁରୀରେ ନରସଂହାର ରଚିବାକୁ ଯୋଜନା ପ୍ରସ୍ତୁତ କରିଥିବାର ସୂଚନା ଦେଇଛି ଗୁଇନ୍ଦା ବିଭାଗ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଆତଙ୍କବାଦୀଙ୍କ ଟାର୍ଗେଟରେ ଶ୍ରୀମନ୍ଦିର ପ୍ରାୟ ରହିଆସିଛି । ଏନେଇ ଅନେକ ଥର ଗୁଇନ୍ଦା ବିଭାଗ ମଧ୍ୟ ସୂଚନା ଦେଇ ସଚେତନ କରିଛି । ହେଲେ ଏଥର ଆତଙ୍କବାଦୀ ସମୁଦ୍ର ପଥ ଦେଇ ପୁରୀରେ ପ୍ରବେଶ କରିବେ ବୋଲି କହିଛି ଗୁଇନ୍ଦା ବିଭାଗ । ଯାହାକୁ ନେଇ ପୁରୀ ପୋଲିସ ସୁରକ୍ଷା ବ୍ୟବସ୍ଥା କଡାକଡି କରିଛି । ତେବେ ରଥାଯାତ୍ରା ପୂର୍ବରୁ ହିଁ ପୁରୀରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ଓ ଆତଙ୍କୀର ମୁକାବିଲା କରିବାକୁ ପୁରୀ ପୋଲିସ ସମ୍ପୂର୍ଣ୍ଣ ପ୍ରସ୍ତୁତ ବୋଲି କହିଛନ୍ତି ଏସପି ଉମାଶଙ୍କର ଦାସ ।