ପୁରୀ: ଏବେ ସମୟ ବିଶ୍ବକୁ ପ୍ରଦୂଷଣ ମୁକ୍ତ ସବୁଜ ବନାନୀ କରିବାର । କାରଣ ସ୍ବଚ୍ଛ ପରିବେଶ ସୁସ୍ଥ ଶରୀର । କେବଳ ଜଣେ ନୁହେଁ ଏହି ଦୃଢ ଲକ୍ଷ୍ୟ ନେଇ ସମସ୍ତେ ପରିବେଶକୁ ସ୍ବଚ୍ଛ କରିବା ପାଇଁ ଶପଥ ନେବାକୁ ପଡିବ । ଏହି ବାର୍ତ୍ତା ନେଇ ସୋମବାର କୋଣାର୍କ ସୂର୍ଯ୍ୟ ମନ୍ଦିର ସମ୍ମୁଖରୁ ଆରମ୍ଭ ହୋଇଛି ସବୁଜ ଓ ପ୍ରଦୂଷଣ ମୁକ୍ତ ବିଶ୍ବ ଅଭିଯାନ ।
ସବୁଜ ଓ ପ୍ରଦୂଷଣ ମୁକ୍ତ ବିଶ୍ବ ଅଭିଯାନ, ସାମିଲ ହେଲେ ଆବାଳ ବୃଦ୍ଧ ବନିତା
ଏଥିରେ ଅତିଥି ଭାବେ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ଯୋଗ ଦେଇ ସବୁଜ ପତାକା ଦେଖାଇ ଏହାର ଶୁଭାରମ୍ଭ କରିଛନ୍ତି। ଜଳ ବାୟୁ ପ୍ରଦୂଷଣ ସାରା ବିଶ୍ବରେ ମୁଖ୍ୟ ସମସ୍ୟା ଭାବେ ମୁଣ୍ଡ ଟେକିଛି । ଆମ ଉତ୍ତର ପିଢ଼ୀଙ୍କ ପାଇଁ ଏହା ଶୁଭଙ୍କର ନୁହେଁ । ଏଥିପାଇଁ ସମସ୍ତେ ମିଳିମିଶି ପରିବେଶକୁ ପ୍ରଦୂଷଣ ମୁକ୍ତ କରିବା ବୋଲି ଆହ୍ବାନ ଦେଇଛନ୍ତି ମନ୍ତ୍ରୀ ।