ପୁରୀ : ଶ୍ରୀନଅରରେ ମଙ୍ଗଳବାର ସୁନିଆ ପାଳିତ ହୋଇଛି । ମଙ୍ଗଳବାର ସନ୍ଧ୍ୟାରେ ଶ୍ରୀନଅରରେ ସୁନିଆ ଉତ୍ସବ ପାଳିତ ହୋଇଛି । ବିଧି ବିଧାନ ମୁତାବକ ଗଜପତି ମହାରାଜା ଦିବ୍ୟସିଂହ ଦେବଙ୍କ ସମସ୍ତ ନୀତି କରାଯାଇଥିଲା। ଏଥିସହ ଆରମ୍ଭ ହୋଇଛି ନୂତନ ସାଲ 1427 ଓ ଶ୍ରୀ ଦିବ୍ୟସିଂହ ଦେବଙ୍କ 62ଅଙ୍କ ଆରମ୍ଭ ହୋଇଛି । ଏହାସହ ଆରମ୍ଭ ହୋଇଛି ଚଳିତବର୍ଷର ଗଜପତିଙ୍କ ରାଜୁତିର ପ୍ରଥମ ଦିନ । ଏହି ଅବସରରେ ସ୍ବର୍ଣ୍ଣ ମୁଦ୍ରା ପ୍ରଚଳନ କରାଯାଇଥିଲା ।
ଶ୍ରୀନଅରରେ ସୁନିଆ ଉତ୍ସବ ପାଳିତ
ଭାଦ୍ରବ ମାସ ଶୁକ୍ଲ ପକ୍ଷ ଦ୍ଵାଦଶୀ ତିଥିରୁ ଗଜପତିଙ୍କ ବର୍ଷ ଗଣନାର ଶୁଭାରମ୍ଭ ହୁଏ । ସେଥିପାଇଁ ଶ୍ରୀନଅରରେ ସ୍ବତନ୍ତ୍ର ପାରମ୍ପରିକ ବିଧି ଅନୁଷ୍ଠିତ ହୋଇଛି । ପୁରାତନ ବର୍ଷ ଗଣନା ପଦ୍ଧତି ଅନୁସାରେ ଏହି ଦିନ ଠାରୁ ଗଜପତି ମହାରାଜାଙ୍କର ନୂତନ ଅଙ୍କ ଗଣନା ହୁଏ । ନବ ଜାତକଙ୍କ ଜନ୍ମ ପତ୍ରିକା ଓ ପ୍ରଚଳିତ ହେଉ ଥିବା ବିଭିନ୍ନ ପଞ୍ଜିକାରେ ଏହି ଅଙ୍କ ଉଲ୍ଲେଖ କରାଯିବ। ପ୍ରତ୍ୟେକ ଓଡ଼ିଆଙ୍କ ପାଇଁ ଏହି ଦିବସର ଯଥେଷ୍ଟ ଗୁରୁତ୍ବ ରହିଥାଏ ।