ପୁରୀ: ଗତ 24 ଘଣ୍ଟା ମଧ୍ୟରେ ପୁରୀ ସହରରୁ ନୂଆ 4ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଜିଲ୍ଲାରେ ମୋଟ କୋରୋନା ସଂକ୍ରମିତଙ୍କ ସଂଖ୍ୟା 681 ଥିବାବେଳେ, 324ଟି ଆକ୍ଟିଭ କେସ୍ ରହିଛି ।
କୋରୋନାରୁ ସୁସ୍ଥ ବ୍ୟକ୍ତିଙ୍କୁ ହଇରାଣ କଲେ କାର୍ଯ୍ୟାନୁଷ୍ଠାନ: ପୁରୀ ଜିଲ୍ଲାପାଳ
ତେବେ ପୁରୀ ଜିଲ୍ଲାପାଳ ବଲବନ୍ତ ସିଂ ଏକ ଭିଡିଓ ବାର୍ତ୍ତା ମାଧ୍ୟମରେ, ଜିଲ୍ଲାବାସୀଙ୍କ ସହଯୋଗ କାମନା କରି ଏକାଧିକ ନିୟମର କଡା ପାଳନ ପାଇଁ ଅନୁରୋଧ କରିଛନ୍ତି । ଦୋକାନୀଙ୍କୁ ବିନା ମାସ୍କ ଓ ସାମାଜିକ ଦୂରତା ରକ୍ଷା କରିବା ନିୟମ ବାଧ୍ୟତା ମୂଳକ କରିବାକୁ କହିଛନ୍ତି । ନିଜ ବ୍ୟବସାୟ ପ୍ରତିଷ୍ଠାନରେ ଏନେଇ ପୋଷ୍ଟର କିମ୍ବା ବ୍ୟାନର ଲଗାଇବାକୁ ସେ କହିଛନ୍ତି । ଏହି ନିୟମର ଉଲଂଘନ ହେଲେ, ସଂପୃକ୍ତ ଦୋକାନୀଙ୍କ ବିରୁଦ୍ଧରେ ପ୍ରଶାସନ ପକ୍ଷରୁ କଡା କାର୍ଯ୍ୟନୁଷ୍ଠାନ ନିଆଯିବ ବୋଲି ଚେତାବନୀ ଦେଇଛନ୍ତି ।