ପୁରୀ: ପବିତ୍ର ରାକ୍ଷୀ ପୂର୍ଣ୍ଣିମା ଓ ସ୍ବାଧୀନତା ଦିବସ ପାଇଁ ପୁରା ଦେଶ ହେଉଛି ସଜବାଜ । ଏହି ଅବସରରେ ବାଲୁକା କଳାରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଓ ମାନସ ସାହୁ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ଆକର୍ଷଣୀୟ ବାଲୁକା କଳା ମାଧ୍ୟମରେ ଉଭୟ ରାକ୍ଷୀ ପୂର୍ଣ୍ଣିମା ଓ ସ୍ବାଧୀନତା ଦିବସର ଶୁଭେଛା ଜଣାଇଛନ୍ତି । ବାଲୁକା କଳାରେ ରାକ୍ଷୀରେ ତ୍ରିରଙ୍ଗା ସମେତ ଭାରତ ମାନଚିତ୍ରର ପ୍ରତିକୃତି ସ୍ଥାନ ଦେଇଛନ୍ତି । ସମସ୍ତ ଭାରତୀୟ ଏକ ହୋଇ ଶାନ୍ତିରେ ସହାବସ୍ଥାନ କରିବା ନେଇ ସେ ଆହ୍ବାନ ଦେଇଛନ୍ତି । ସେହିପରି ଦେଶବାସୀ ମହିଳାଙ୍କ ସୁରକ୍ଷା ଦିଗରେ ଆଗେଇ ଆସିବାକୁ ରାକ୍ଷୀ ପୂର୍ଣ୍ଣିମା ଅବସରରେ ସେ ବାଲୁକା କଳା ମାଧ୍ୟମରେ ବାର୍ତ୍ତା ଦେଇଛନ୍ତି ।