ପୁରୀ: ବିଶ୍ବ ପ୍ରସିଦ୍ଧ ରଥଯାତ୍ରା ଚାଲିଥିବାବେଳେ ଶ୍ରୀକ୍ଷେତ୍ର ଏବେ ଚଳଚଞ୍ଚଳ । ସାରା ସହର ଲୋକାରଣ୍ୟ । ସହରର କୋଣ ଅନୁକୋଣରେ ପୋଲିସ ଛାଉଣି । ଏତେ ସବୁ ସତ୍ତ୍ବେ ମଧ୍ୟ ସାମ୍ନାକୁ ଆସିଛି ଏକ ଲଜ୍ଜାଜନକ ଘଟଣା । ଆଧ୍ୟାତ୍ମିକ ନଗରୀରେ ଜଣେ ଆଦିବାସୀ ନାବାଳିକା ଦୁଷ୍କର୍ମ ଶିକାର ହୋଇଥିବା ଅଭିଯୋଗ ଆସିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
କେନ୍ଦୁଝରର ଏହି ନାବାଳିକା ଜଣଙ୍କ ମାଳତୀପାଟପୁର ୱାଟରପାର୍କରେ କାମ କରନ୍ତି । ଛୁଟିରେ ଘରକୁ ଯାଇଥିବାବେଳେ ଗତକାଲି ରାତିରେ ସେ ବସ ଯୋଗେ ପୁରୀ ଫେରୁଥିଲେ । ମାଳତୀପାଟପୁରରେ ଓହ୍ଲାଇବା ପରିବର୍ତ୍ତେ ପୁରୀ ବସ୍ ଷ୍ଟାଣ୍ଡକୁ ଭୁଲ ବଶତଃ ପଳାଇଯାଇଥିଲେ । ରାତି ବିଳମ୍ବିତ ହେବାରୁ ବସରେ ଶୋଇଯିବାକୁ କହିଥିଲେ ହେଲପର୍ । ନାବାଳିକା ଜଣଙ୍କ ଶୋଇଥିବାବେଳେ ଏକୁଟିଆର ସୁଯୋଗ ନେଇ ହେଲପର ତା ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପରେ ପୀଡିତା କୌଶଳକ୍ରମେ ଖସି ଆସି ଅଭିଯୋଗ କରିଥିଲେ ।