ପୁରୀ: ଆଜିଠୁ ଅନ୍ୟ ଜିଲ୍ଲାବାସୀଙ୍କ ପାଇଁ ଖୋଲିଲା ପୁରୀ ସ୍ବର୍ଗଦ୍ବାର । ପୁରୀ ଜିଲ୍ଲା ବ୍ୟତିତ ବାହାର ଜିଲ୍ଲାବାସୀ ଓ ରାଜ୍ୟ ବାହାର ଲୋକ ଆଜିଠୁ ସ୍ୱର୍ଗଦ୍ବାରରେ କରିପାରିବେ ଅନ୍ତିମ ସତ୍କାର । ସ୍ବର୍ଗଦ୍ବାରରେ ଅନ୍ତିମ ସଂସ୍କାର ଓ ମହୋଦଧିରେ ଅସ୍ଥି ବିସର୍ଜନ ନେଇ ଥିବା କଟକଣାକୁ ପ୍ରତ୍ୟାହାର କରାଯାଇଛି । ଯେଉଁ ମାନେ ଅଣ କୋଭିଡରେ ମୃତ୍ୟୁ ବରଣ କରିଥିବେ ସେମାନଙ୍କ ମୃତଦେହ ସ୍ବର୍ଗଦ୍ବାରରେ ସତ୍କାର କରାଯାଇପାରିବ ।
ଏଥିପାଇଁ ଆବଶ୍ୟକୀୟ ପ୍ରମାଣପତ୍ର କାଉଣ୍ଟରରେ ଦାଖଲ କରିବାକୁ ପଡିବ । ପ୍ରତି ମୃତଦେହ ସତ୍କାର ବେଳେ ସର୍ବାଧିକ ୧୦ ଜଣ ଆତ୍ମୀୟ ସ୍ବଜନଙ୍କୁ ଉପସ୍ଥିତ ରହିବାକୁ ଅନୁମତି ମିଳିଛି । ତେବେ ଏନେଇ କୋରୋନା କଟକଣାକୁ ମଧ୍ୟ କଡାକଡି କରାଯାଇଛି । କୋଭିଡ ନିୟମ ଅନୁଯାଇ ମୃତଦେହ ସତ୍କାର କରାଯିବ ।