ପୁରୀ:ମହାପ୍ରଭୁଙ୍କ ଘୋଷ ଯାତ୍ରା ପାଇଁ ତିନି ରଥ ନିର୍ମାଣ ଆଗେଇ ଚାଲିଛି । ଶ୍ରୀଗୁଣ୍ଡିଚା ଯାତ୍ରା ପାଖେଇ ଆସୁଥିବା ବେଳେ ତିନି ରଥର ନିର୍ମାଣ କାର୍ଯ୍ୟ ମଧ୍ୟ ଦୃତ ଗତିରେ ଚାଲିଛି ।
ତିନି ରଥର ଚାଲିଛି ପାରା ଭାଡି ନିର୍ମାଣ କାର୍ଯ୍ୟ
ଚଳିତ ବର୍ଷ ମହାମାରୀ କୋରୋନା ପାଇଁ ରଥ ନିର୍ମାଣ କାର୍ଯ୍ୟ ବିଳମ୍ବରେ ଆରମ୍ଭ ହୋଇଛି । ରଥ ନିର୍ମାଣରେ 12 ଦିନ ବିଳମ୍ବିତ ହୋଇଥିଲେ ମଧ୍ୟ ସଠିକ ସମୟରେ ଯେତିକି କାର୍ଯ୍ୟ ସରିବା କଥା ତାହା ବହୁ ପୂର୍ବରୁ ସରିଛି । ବିଶେଷ କରି ତିନି ରଥର ଏବେ ପୋଟଳ,ପାରାଭାଡ଼ି କାର୍ଯ୍ୟ ଆଗେଇ ଚାଲିଛି । ସେହିପରି ତିନି ରଥର 4 ନାହାକା ସମେତ ଛ କାଠ କାର୍ଯ୍ୟ ନିର୍ଦ୍ଧାରିତ ସମୟ ପୂର୍ବରୁ କାର୍ଯ୍ୟ ସରିଛି । କନିଆ ପଟା, ହସଁ ପଟା,ପାର୍ଶ୍ଵ ଦେବତା,ସଖୀ,କନକ ମୁଣ୍ଡି ଆଦି ପ୍ରମୁଖ କାର୍ଯ୍ୟ ବାକି ରହିଛି । ଯାହାକି ନେତ୍ରୋତ୍ସବ ପୂର୍ବରୁ ସରିବ ବୋଲି ତାଳଧ୍ବଜ ରଥର ମୁଖ୍ୟ ବିଶ୍ବକର୍ମା ନରସିଂହ ମହାରଣା ପ୍ରକାଶ କରିଛନ୍ତି । ସକାଳ 9 ଟା ରୁ ରାତି 9 ଟା ପର୍ଯ୍ୟନ୍ତ ରଥ ଖଳାରେ କାର୍ଯ୍ୟ ଚାଲିଛି ।