ପୁରୀ: ସହରକୁ ଐତିହ୍ୟ ନଗରୀ ଭାବେ ଗଢି ତୋଳିବା ନେଇ ରାଜ୍ୟ ସରକାର ଆରମ୍ଭ କରିଛନ୍ତି ନିର୍ମାଣ କାର୍ଯ୍ୟ । ତେବେ ଶ୍ରୀମନ୍ଦିର ପାଖରେ ଥିବା ତିନୋଟି ମଠ ଉଚ୍ଛେଦ ପରେ ଜାଗା ଗୁଡିକୁ ସମତୁଲ କରାଯାଉଛି । ଏଥି ସହିତ ଉଚ୍ଛେଦ ସ୍ଥଳରେ ଟାଇଲ ବିଛାଇ ଆକର୍ଷଣୀୟ ମଧ୍ୟ କରାଯାଉଛି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ପୁରୀ
ନିର୍ମାଣ ପ୍ରକ୍ରିୟା ଚାଲୁ ରଥିବାରୁ ଏଥିପାଇଁ ଉଚ୍ଛେଦ ପ୍ରକ୍ରିୟା ବନ୍ଦ ରହିଛି । ତେବେ ଦିନେ ଦୁଇ ଦିନ ଭିତରେ ଉଚ୍ଛେଦ ପ୍ରକ୍ରିୟା ପୁଣି ଆରମ୍ଭ ହେବ । ଏମାର ମଠ ନିକଟରେ ଥିବା ମଙ୍ଗୁ ମଠ ଓ ସାନ ଛତା ମଠ ଉଚ୍ଛେ ହେବ । ସେ ନେଇ ଜିଲ୍ଲା ପ୍ରଶାସନ ତରଫରୁ ମାପଚୁପ ସରିଛି । ଅନ୍ୟପଟେ ପୁରୀ ସହର ବିକାଶ ନେଇ ପାଞ୍ଚ ଜଣ ନୂଆ ଆଇଏଏସ ଅଫିସର ମାନେ ଜିଲ୍ଲାପାଳ ବଲଓ୍ବନ୍ତ ସିଂଙ୍କୁ ଭେଟି ବିଭିନ୍ନ ପ୍ରକଳ୍ପ କାର୍ଯ୍ୟ କିଭଳି ଆଗେଇବ ସେ ନେଇ ଆଲୋଚନା କରିଛନ୍ତି ।