ପୁରୀ: ରାହୁଲ ଗାନ୍ଧୀ ଓ ଅଖିଳ ଭାରତୀୟ କଂଗ୍ରେସ କମିଟିର ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ଇଡି ଅର୍ଥ ହେରଫେର ମାମଲାରେ ଜେରା କରିବା ପ୍ରସଙ୍ଗକୁ ପୁରୀ ଜିଲ୍ଲା କଂଗ୍ରେସର ଦୃଢ଼ ବିରୋଧ । କେନ୍ଦ୍ରର ବିଜେପି ସରକାର ବିରୋଧୀ ଦଳକୁ ଦମନ କରିବାକୁ ଯୋଜନା ବଦ୍ଧ ଭାବେ ପ୍ରତିହିଂସା ରାଜିନୀତି କରି ବିଭିନ୍ନ କେନ୍ଦ୍ରୀୟ ତଦନ୍ତକାରୀ ସଂସ୍ଥାକୁ କଂଗ୍ରେସ ନେତାଙ୍କ ବିରୋଧରେ ବ୍ୟବହାର କରୁଥିବା ଅଭିଯୋଗ କରିଛନ୍ତି ।
ବିଜେପିକୁ ଟାର୍ଗେଟ କରି ପୁରୀ କଂଗ୍ରେସର ଧାରଣା
ଏହାର ପ୍ରତିବାଦରେ ଆଜି(ଶୁକ୍ରବାର) ପୁରୀ ଜିଲ୍ଲା ମୁଖ୍ୟ ଡାକଘର ଆଗରେ ଜିଲ୍ଲା କଂଗ୍ରେସ ପକ୍ଷରୁ ଧାରଣା ଏବଂ ପ୍ରତିବାଦ ସଭା ଅନୁଷ୍ଠିତ ହୋଇଛି । ଅଗାମୀ ଦିନରେ ବିଜେପି ଯଦି ଏଭଳି ହୀନ ରାଜନୀତିରୁ ନିବୃତ୍ତ ନ ରୁହେ ତେବେ କଂଗ୍ରେସ ଦେଶବ୍ୟାପୀ ବ୍ୟାପକ ଆନ୍ଦୋଳନ କରିବ ବୋଲି ପୁରୀ ଜିଲ୍ଲା କଂଗ୍ରେସର ବରିଷ୍ଠ କର୍ମକର୍ତ୍ତା କହିଛନ୍ତି ।