ଆର୍ଥିକ ମାନ୍ଦା ସ୍ଥିତି ନେଇ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ କଂଗ୍ରେସର ଦାବିପତ୍ର

ଦେଶରେ ବଢ଼ିବାରେ ଲାଗିଛି ଆର୍ଥିକ ମାନ୍ଦାବସ୍ଥା ଓ ଦରଦାମ ମଧ୍ୟ ହୁ ହୁ ହୋଇ ବଢିଚାଲିଛି । ଏହାର ପ୍ରତିବାଦରେ ପୁରୀ ଜିଲା କଂଗ୍ରେସ ପକ୍ଷରୁ ମଧ୍ୟ ଜିଲାପାଳଙ୍କୁ ଭେଟି ରାଷ୍ଟ୍ରପତୀଙ୍କ ଉଦ୍ଦେଶ୍ୟରେ ଉପରୋକ୍ତ ସମସ୍ୟାର ସମାଧାନ ନେଇ ଦାବିପତ୍ର ଦେଇଛନ୍ତି।

ପୁରୀ: ଦେଶରେ ବଢ଼ିବାରେ ଲାଗିଛି ଆର୍ଥିକ ମାନ୍ଦାବସ୍ଥା । ସେହିପରି ଦରଦାମ ମଧ୍ୟ ହୁ ହୁ ହୋଇ ବଢିଚାଲିଛି। ନିଯୁକ୍ତି ଅଭାବରୁ ବେକାରୀ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି । ଏହାର ପ୍ରତିବାଦରେ ସାରା ରାଜ୍ୟରେ କଂଗ୍ରେସ ବିକ୍ଷୋଭ କରିଥିବା ବେଳେ ପୁରୀ ଜିଲ୍ଲା କଂଗ୍ରେସ ପକ୍ଷରୁ ମଧ୍ୟ ଜିଲ୍ଲାପାଳଙ୍କୁ ଭେଟି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଉପରୋକ୍ତ ସମସ୍ୟାର ସମାଧାନ ନେଇ ଦାବିପତ୍ର ଦେଇଛନ୍ତି।

କେନ୍ଦ୍ରରେ ବିଜେପି ସରକାର ଓ ରାଜ୍ୟରେ ବିଜେଡି ସରକାର ଯେଭଳି ଜନ ସାଧାରଣଙ୍କ ପ୍ରମୁଖ ସମସ୍ୟା ଦର ଦାମ ବୃଦ୍ଧି ନିୟନ୍ତ୍ରଣରେ ବିଫଳତା ଓ ବେକାରୀଙ୍କୁ ନିଯୁକ୍ତି ଦେବାରେ ବିଫଳ ହୋଇଛନ୍ତି ସେ ନେଇ କଂଗ୍ରେସ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ କଡା ସମାଲୋଚନା କରିଛି । ଜନ ସାଧାରଣଙ୍କ ପ୍ରମୁଖ ସମସ୍ୟା ଗୁଡିକ ସରକାର ସମାଧାନ ନ କଲେ ଆଗାମୀ ଦିନରେ କଂଗ୍ରେସ ଜୋରଦାର ଆନ୍ଦୋଳନ କରିବ ବୋଲି ଚେତାବନୀ ଦେଇଛି।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ