ପୁରୀ: ନେତାଜୀ ସୁଭାଷ ବୋଷଙ୍କ ୧୨୫ତମ ଜନ୍ମ ଜୟନ୍ତୀ ପାଳନ କରୁଛି ଦେଶ । ଏହି ଅବସରରେ ସାରା ଦେଶବାସୀ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ନେତାଜୀଙ୍କ ଅଦମ୍ୟ ସାହାସ ଓ ବୀରତ୍ବକୁ ସମ୍ମାନ ଜଣାଇ ପରାକ୍ରମ ଦିବସ ଭାବେ ପାଳନ କରାଯାଉଛି ସାରା ଦେଶରେ । ପୁରୀରେ ମଧ୍ୟ ବିଜେପି ପକ୍ଷରୁ ପରାକ୍ରମ ଦିବସ ପାଳନ କରାଯାଇଛି ।
ବିଜେପି କର୍ମୀମାନେ ସକାଳୁ ପୁରୀ ଭିଆଇପି ରୋଡ଼ ସୁଭାଷ ବୋଷ ଛକରେ ଏକାଠି ହୋଇ ନେତାଜୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହ ଜାତୀୟ ସଙ୍ଗୀତ ଗାନ କରିଥିଲେ । ପୁରୀ ବିଧାୟକ ଜୟନ୍ତ ଷଡ଼ଙ୍ଗୀଙ୍କ ସମେତ ବିଜେପି ସମସ୍ତ ନେତା ଓ କର୍ମୀ ଏଥିରେ ଯୋଗ ଦେଇଥିଲେ। ଭାରତର ସ୍ବାଧୀନତା ସଂଗ୍ରାମରେ ଅତୁଳନୀୟ ଅବଦାନ ଦେଇଥିଲେ ନେତାଜୀ। ନେତାଜୀଙ୍କ ଦେଶ ପ୍ରେମ ଓ ତ୍ୟାଗ ଆମକୁ ଉଦବୁଦ୍ଧ କରୁଥିବା ବେଳେ ଯୁବପିଢ଼ି ଏ ଦିଗରେ ଆଗେଇ ଯିବାକୁ ପୁରୀ ବିଧାୟକ ଜୟନ୍ତ ଷଡଙ୍ଗୀ ଯୁବପିଢ଼ିଙ୍କୁ ଆହ୍ବାନ ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
