ପୁରୀ: ଶ୍ରୀମନ୍ଦିର ଆନନ୍ଦ ବଜାରରେ ଫଟୋ ଭାଇରାଲ ଘଟଣା । ଉକ୍ତ ଘଟଣାର ତଦନ୍ତ ପରେ ପୋଲିସ ମୁଖ୍ୟ ଅଭିଯୁକ୍ତ ଦେବାଶିଷ ସିଂକୁ ଗିରଫ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ସୂଚନାନୁସାରେ, ଆନନ୍ଦବଜାରରେ ଫଟୋ ଭାଇରାଲ ଘଟଣାକୁ ନେଇ ଶ୍ରୀମନ୍ଦିର କାର୍ଯ୍ୟାଳୟ ପକ୍ଷରୁ ସିଂହଦ୍ବାର ଥାନାରେ ମାମଲା ରୁଜୁ ହୋଇଥିଲା । ଏହା ପରେ ପୋଲିସ ପୁରୀ କୁମ୍ଭାରପଡାର ଦେବାଶିଷ ସିଂ ଏବଂ ନୟାଗଡ ଫତେଗଡର ରାଜା ଦଳେଇଙ୍କୁ ଅଟକ ରଖି ପଚରାଉଚରା କରୁଥିଲା । ଗିରଫ ଦେବାଶିଷ ଉକ୍ତ ଫଟୋକୁ ନିଜ ହ୍ବାଟସଆପର ପ୍ରଫାଇଲ ଫଟୋରେ ରଖିଥିଲେ । ତେବେ ସେ କିଭଳି ମୋବାଇଲ ଫୋନ ଶ୍ରୀମନ୍ଦିର ଭିତରକୁ ନେଇ ସେଲଫି ନେଇଥିଲା ସେ ନେଇ ପୋଲିସ ମନ୍ଦିରର ସିସିଟିଭି ଫୁଟେଜ ଅନୁଧ୍ୟାନ କରୁଛି ।