ଭୁବନେଶ୍ବର: ପଞ୍ଜାବରୁ ଆସି ଶ୍ରୀକ୍ଷେତ୍ରରେ ହଙ୍ଗାମା । ମଙ୍ଗୁ ମଠ ଭଙ୍ଗାଯିବା ପ୍ରସଙ୍ଗରେ ପ୍ରତିବାଦ କରି ୫ ଜଣ ଶିଖ ସମ୍ପ୍ରଦାୟର ଯୁବକ ପୁରୀ ଆସି ଗୁରୁବାର ଏମିତି ଅସ୍ବାଭିବକ ପରିସ୍ଥିତି ସୃଷ୍ଟି କରିଛନ୍ତି । ଫଳରେ ତାଙ୍କୁ ବୁଝାସୁଝା କରିବାକୁ ସ୍ଥାନୀୟ ପ୍ରଶାସନକୁ ନାକେଦମ ହେବାକୁ ପଡିଛି ।
ଘଟଣା ଅନୁସାରେ ପୁରୀରେ ଶିଖ ସମ୍ପ୍ରଦାୟର ମଙ୍ଗୁ ମଠ ଭଙ୍ଗା ଯାଇଥିବା ଭିଡିଓ ଦେଖି 5 ଜଣ ଯୁବକ ପୁରୀ ଆସି ମଙ୍ଗୁ ମଠର ମଠାଧିଶଙ୍କ ପାଇଁ ଥିବା ଘର ଉପରୁକୁ ଚଢି ସାଙ୍କେତିକ ପୂଜା କରିବା ସହ ଖଣ୍ଡା ବୁଲାଇଥିଲେ । ଯଦ୍ବାରା ଶ୍ରୀକ୍ଷେତ୍ରରେ ଅସ୍ବାଭାବିକ ପରିସ୍ଥିତି ସୃଷ୍ଟି ହୋଇଥିଲା । ଖବର ପାଇଁ ଘଟଣା ସ୍ଥଳରେ ପୋଲିସ ପହଞ୍ଚିବା ସହ ସେମାନଙ୍କୁ ବୁଝାସୁଝା କରିଥିଲା । କିନ୍ତୁ ବୁଝିବା ପରିସ୍ଥିତିରେ ନଥିବା ଏହି ଶିଖ ଯୁବକ ମାନେ ଆତ୍ମହତ୍ୟାର ଧମକ ଦେଇଥିଲେ । ପରେ ଘଟଣା ସ୍ଥଳରେ ଉପ-ଜିଲ୍ଲାପାଳ ପହଞ୍ଚି ସ୍ଥିତି ସଂପର୍କରେ ବୁଝାଇଥିଲେ । ଏହାସହ ମଙ୍ଗୁ ମଠର ଗାଦି ଘର ସହ ମଠ ମହନ୍ତ ଘର ଉଛେଦ ହୋଇନଥିବା କହିବାପରେ ସ୍ଥିତି ସ୍ବାଭାବିକ ହୋଇଥିଲା । ତେବେ ପୋଲିସ ଅଧିକ ପଚରା ଉଚୁରା ପାଇଁ ସମସ୍ତ ଯୁବକଙ୍କୁ ଥାନାକୁ ନେଇ ଘଟଣାର ଖୋଲତାଡ କରୁଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
