ପୁରୀ:ବିଦାୟ ନେଉଛି ବର୍ଷ ୨୦୨୨ । ନୂଆ ଆଶା, ଉଦ୍ଦୀପନା ଓ ସମ୍ଭାବନାକୁ ନେଇ ଆରମ୍ଭ ହେବ ବର୍ଷ ୨୦୨୩ (New Year 2023_ । ତେବେ ନୂଆବର୍ଷକୁ ସ୍ଵାଗତ କରିବା ପାଇଁ ଆରମ୍ଭ ହୋଇଯାଇଛି କାଉଣ୍ଟ ଡାଉନ । ଜିରୋ ନାଇଟ୍ (Zero Night Celebration)କୁ ମନଭରି ଉପଭୋଗ କରିବା ପାଇଁ ପୁରୀରେ ଥିବା ପ୍ରମୁଖ ହୋଟେଲ ଗୁଡିକରେ ବ୍ୟାପକ ପ୍ରସ୍ତୁତି ଆରମ୍ଭ ହୋଇଥିବା ଦେଖିବାକୁ ମିଳିଛି ।
କେଉଁଠି ଋଷୀୟାନ ବେଲି ଡାନ୍ସ (Russian Belly Dance) ଧମାକା ଦେଖିବାକୁ ମିଳିବ ତ କେଉଁଠି କାର୍ଣ୍ଣିଭାଲ ନୃତ୍ୟରେ ଝୁମିବେ ଦର୍ଶକ। ରଙ୍ଗୀନ ଆଲୋକମାଳାରେ ଝଲସୁଛି ହୋଟେଲ । ଓଲିଉଡ଼, ବଲିଉଡ଼ର ପ୍ରସିଦ୍ଧ କଣ୍ଠଶିଳ୍ପୀଙ୍କୁ ନେଇ ସ୍ବତନ୍ତ୍ର ସଙ୍ଗୀତ ଭିତ୍ତିକ ଉତ୍ସବ ଅନୁଷ୍ଠିତ ହେବ। ଏଥିପାଇଁ ହୋଟେଲ ପକ୍ଷରୁ ସ୍ଵତନ୍ତ୍ର ପ୍ୟାକେଜ ବ୍ୟବସ୍ଥା ହୋଇଛି । ଗତ ୨ବର୍ଷ ହେବ କୋଭିଡ଼ କଟକଣା ଯୋଗୁଁ ଜିରୋ ନାଇଟ ସେଲିବ୍ରେସନ ବନ୍ଦ ଥିଲା । କିନ୍ତୁ ଏଥର କଟକଣା ନ ଥିବାରୁ ଏହାର ମଜା ଉଠାଇବାର ସୁଯୋଗକୁ ଚାହିଁ ବସିଛନ୍ତି ପର୍ଯ୍ୟଟକ । ପୁରୀର ସମସ୍ତ ହୋଟେଲ ବୁକିଂ ସରିଛି।