ପୁରୀର ‘ନୂଆ ଯୁବରାଜ’ଙ୍କ ଭାଇରାଲ ଫଟୋ ସମ୍ପୂର୍ଣ୍ଣ ଗୁଜବ: ରାଜନଅର

ଭାଇରାଲ ହୋଇଛି ମହାରାଜ ଗଜପତି ଓ ମହାରାଣୀଙ୍କ ଏକ ଫଟୋ । ଫଟୋରେ ରାଜାଙ୍କ ନିକଟରେ ଥିବା ବ୍ୟକ୍ତିଙ୍କୁ ମହାରାଜଙ୍କ ଉତ୍ତରାଧିକାରୀ ବୋଲି ଚର୍ଚ୍ଚା ହେଉଥିବା ବେଳେ ଏହାକୁ ରାଜନଅର ପକ୍ଷରୁ ଖଣ୍ଡନ କରାଯାଇଛି । ଅଧିକ ପଢ଼ନ୍ତୁ...

ପୁରୀ: ପୁରୀର ନୂଆ ଯୁବରାଜ ଭାବେ ସୋସିଆଲ ମିଡିଆରେ ଭାଇରାଲ ହୋଇଥିବା ଫଟୋ ସମ୍ପୂର୍ଣ୍ଣ ଗୁଜବ ଅଟେ । ସୋସିଆଲ ମିଡିଆରେ ପୁରୀ ଗଜପତି ମହାରାଜାଙ୍କ ଏକ ଫଟୋ ଭାଇରାଲ ହୋଇଥିଲା । ଯାହାକୁ ନେଇ ଲୋକଙ୍କ ମଧ୍ୟରେ ଚର୍ଚ୍ଚା ଜୋର ଧରିଛି ।

ତେବେ ଭାଇରାଲ ଫଟୋରେ ଜଣେ ରାଜା ବେଶରେ ଥିବା ବ୍ୟକ୍ତିଙ୍କ ସହ ମହାରାଜା ଓ ମହାରାଣୀଙ୍କୁ ଦେଖିବାକୁ ମିଳୁଛି । ସେହି ବ୍ୟକ୍ତି ଜଣଙ୍କ ମହାରାଜା ଶ୍ରୀ ଦିବ୍ୟସିଂହ ଦେବଙ୍କ ଉତ୍ତରାଧିକାରୀ ବୋଲି ଚର୍ଚ୍ଚା ହେଉଥିଲା ।

ତେବେ ରାଜନଅର ପକ୍ଷରୁ ଏହାକୁ ଖଣ୍ଡନ କରାଯାଇଛି । ଫଟୋରେ ଯୁବରାଜ ବେଶରେ ଥିବା ବ୍ୟକ୍ତି ଜଣଙ୍କ ନିଳଗିରି ରାଜା- ରାଣୀଙ୍କ ସୁପୁତ୍ର ବୋଲି ରାଜନଅର ପକ୍ଷରୁ ସ୍ପଷ୍ଟ କରାଯାଇଛି । ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ଯାଇଥିବା ବେଳେ ଏହି ଫଟୋ ଉଠାଯାଇଥିବା ଜଣା ପଡିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ