ପୁରୀ: ପାଖେଇ ଆସୁଛି ପଞ୍ଚାୟତ ଟକ୍କର । ନାମାଙ୍କନ ପତ୍ର ଦାଖଲ ପ୍ରକ୍ରିୟା ଚାଲିଥିବାବେଳେ ଚାରିଆଡେ ବଢିଲାଣି ନିର୍ବାଚନୀ ଉଷ୍ଣତା । ସରଗରମ୍ ହେଲାଣି ପଞ୍ଚାୟତ ପାଣିପାଗ, ତେଜିଲାଣି ରାଜନୈତିକ ଗତିବିଧି । କ'ଣ ରହିଛି ପ୍ରମୁଖ ମୁଦ୍ଦା ସେନେଇ ଗାଁ ଗଣ୍ଡାରେ ଏବେ ଆରମ୍ଭ ହୋଇଛି ଚର୍ଚ୍ଚା । ପୁରୀ ସଦର ବ୍ଲକ ବାଲିଗୁଆଳି ପଞ୍ଚାୟତାବାସୀଙ୍କ ମୁଡ୍ କ'ଣ ରହିଛି ସେନେଇ ଭୋଟରଙ୍କ ପ୍ରତିକ୍ରିୟା ନେଇଛି ଇଟିଭି ଭାରତ ଟିମ୍ ।
ପଞ୍ଚାୟତ ଟକ୍କର: ପୁରୀ ବାଲିଗୁଆଳି ପଞ୍ଚାୟତରେ ଭୋଟରଙ୍କ ମୁଡ୍ ପରଖିଲା ଇଟିଭି ଭାରତ ଟିମ୍
ଏଥର ବାଲିଗୁଆଳି ପଞ୍ଚାୟତ ସରପଞ୍ଚ ଆସନ ମହିଳାଙ୍କ ପାଇଁ ସଂରକ୍ଷିତ ରହିଛି । ଏଣୁ ମହିଳା ପ୍ରାର୍ଥୀଙ୍କ ଭିତରେ ଖୁବ୍ ଉତ୍ସାହ ଦେଖାଯାଇଛି । ମହିଳା ସଶକ୍ତିକରଣ ଏବଂ ନିଜ ଅଞ୍ଚଳର ବିକାଶ ନେତୃତ୍ବ ନେବା ପାଇଁ ଏହି ବ୍ୟବସ୍ଥାକୁ ମହିଳା ପ୍ରାର୍ଥୀ ସ୍ବାଗତ କରିଛନ୍ତି । ନିଜ ଅଞ୍ଚଳରେ ରହିଥିବା ସମସ୍ୟାର ସମାଧାନ ପାଇଁ ସେମାନେ ପ୍ରାର୍ଥୀ ହୋଇଥିବା କହିଛନ୍ତି । ସେପଟେ ଭୋଟର ମଧ୍ୟ ବିଭିନ୍ନ ପ୍ରସଙ୍ଗ ଏବଂ ଅଞ୍ଚଳର ବିକାଶ ନଜରରେ ରଖି ଉପଯୁକ୍ତ ପ୍ରାର୍ଥୀଙ୍କୁ ଭୋଟ୍ ଦେବେ ବୋଲି କହିଛନ୍ତି ।