ପୋଖରୀରେ ବୁଡି ଜଣେ ମୃତ

ପୁରୀ ଜିଲ୍ଲା ଗୋପ ବ୍ଲକ ଗଡ଼ରୂପାସ ଗ୍ରାମରେ ପୋଖରୀକୁ ଗାଧୋଇବାକୁ ଯାଇ ପାଣିରେ ବୁଡି ଜଣଙ୍କ ମୃତ୍ୟୁ । ଅଧିକ ପଢନ୍ତୁ...

ପୁରୀ: ଗୋପ ବ୍ଲକ ଗଡ଼ରୂପାସ ଗ୍ରାମରେ ଅଭାବନୀୟ ଘଟଣା । ପୋଖରୀରେ ବୁଡି ଆଜି(ବୁଧବାର) ଜଣଙ୍କ ମୃତ୍ୟୁ ହୋଇଛି । ସେହି ଗ୍ରାମର ଅଭିଜିତ ପଣ୍ଡା ଗ୍ରାମ ପୋଖରୀକୁ ଗାଧୋଇ ବାକୁ ଯାଇଥିବା ବେଳେ ଗୋଡ଼ ଖସି ଯିବାରୁ ସେ ପାଣିରେ ବୁଡି ମୃତ୍ୟୁ ବରଣ କରିଛନ୍ତି । ସୂଚନାମୁତାବକ, ଅଭିଜିତ ଗାଧୋଇବାକୁ ଯାଇ ଦୀର୍ଘ ସମୟ ଧରି ନ ଫେରି ବାରୁ ଘର ଲୋକ ପୋଖରୀରୁ ଖୋଜା ଖୋଜି କରି ଉଦ୍ଧାର ପରେ ସ୍ତାନୀୟ ମେଡ଼ିକାଲକୁ ନେଇ ଥିଲେ । କିନ୍ତୁ ସେଠାରେ ଡ଼କ୍ଟର ତାଙ୍କୁ ମୃତ ଘୋଷଣା କରିଥିଲେ ।

ତେବେ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । ମୃତ ଅଭିଜିତଙ୍କ ପରିବାର ଗରିବ ହୋଇ ଥିବା ହେତୁ ତାଙ୍କ ପରିବାରକୁ ସରକାରୀ ସହାୟତା ପାଇଁ ଗ୍ରାମବାସୀ ଦାବି କରିଛନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ