ପୁରୀ: ପୁଲୱାମା ଆକ୍ରମଣକୁ ପୂରିଛି 2 ବର୍ଷ । ଘଟଣାରେ ଶହୀଦ ହୋଇଥିଲେ 44 ବୀର ଯବାନ। ଭାରତର ସାହାସୀ ପୁତ୍ରଙ୍କୁ ହରାଇ ଆଜିବି ଗୁମୁରି ଗୁମୁରି କାନ୍ଦୁଛି ଜନ୍ମମାଟି । ଆଜି ସେହି ଦିନକୁ ମନେପକାଇ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ଏକ ବାଲୁକା କଳା କରିଛନ୍ତି । ଯେଉଁଥିରେ ସେ ବୀର ଯବାନଙ୍କୁ ସାଲ୍ୟୁଟ କରିବା ସହ ଶ୍ରଦ୍ଧାଞ୍ଜଳି ଦେଇଛନ୍ତି ।
ଏପଟେ ସାହସୀଙ୍କ ବଳିଦାନକୁ ମନେ ପକାଇ ଦେଶବାସୀ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ CRPF ଯବାନଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ବର୍ତ୍ତମାନ ପ୍ରାୟ 25,000 ଟ୍ବିଟ୍ ସହିତ # ପୁଲୱାମା ଆଟାକ ଟ୍ବିଟରରେ ଟ୍ରେଣ୍ଡ କରୁଛି।