ପୁରୀ: ଅଣସର ଘରେ ଥିବା ମହାପ୍ରଭୁ ସୁସ୍ଥ ହୋଇଛନ୍ତି। ନବଯୌବନ ପ୍ରାପ୍ତି ହେବା ପାଇଁ ଅଣସର ପିଣ୍ଡିରେ ଚାଲିଥିବା ପ୍ରସ୍ତୁତି ପର୍ବରେ ଶୁକ୍ରବାର ବନକ ଲାଗି ହୋଇଛି। ଦତ୍ତ ମହାପାତ୍ର ସେବକମାନେ ଶ୍ରୀଜୀଉଙ୍କ ଶ୍ରୀମୁଖ ଶୃଙ୍ଗାର କରିଛନ୍ତି। ଏଥି ସହିତ ଶ୍ରୀବିଗ୍ରହମାନଙ୍କ ଶ୍ରୀଅଙ୍ଗରେ ଖଡ଼ି ପ୍ରସାଦ ଲାଗି ହୋଇଛି।
ତେବେ ଶନିବାର ମହାପ୍ରଭୁଙ୍କ ନବଯୌବନ ଦର୍ଶନ ପାଇଁ ସ୍ୱତନ୍ତ୍ର ନୀତି ନିର୍ଘଣ୍ଟ ହୋଇଛି। କୋରୋନା କଟକଣା ପାଇଁ ଶନିବାର ବିନା ଭକ୍ତରେ ମହାପ୍ରଭୁ ଦର୍ଶନ ଦେବେ। ତେବେ ନୀତି ନିର୍ଘଣ୍ଟ ଅନୁଯାୟୀ ବନକ ଲାଗି ସକାଳ 9 ଟା ରୁ 12 ଟା , 12 ଟା 15ରେ ଚକା ଅପସର ନୀତି, ସାଢେ 12ଟାରେ ମଙ୍ଗଳ ଆଳତୀ ସହ ଅନ୍ୟାନ୍ୟ ନୀତି ବଢି ସାଢ଼େ ଗୋଟାଏରେ ଦଶ ଅବତାର ଠାକୁରଙ୍କ ବାହୁଡା ବିଜେ ନୀତି ହେବ। ଅପରାହ୍ନ 2ଟାରେ ତାଟି ଫିଟିବ।
ବିନା ଭକ୍ତରେ ମହାପ୍ରଭୁଙ୍କ ନବଯୌବନ ଦର୍ଶନ