ପୁରୀ: ମହାମାରୀ କୋରୋନା ଭୂତାଣୁ ସମଗ୍ର ଦେଶରେ କାୟା ବିସ୍ତାର କରୁଥିବାବେଳେ ସେଥିରୁ ରକ୍ଷା ପାଇବା ପାଇଁ ଉଭୟ ରାଜ୍ୟ ଓ କେନ୍ଦ୍ର ସରକାର ଲକ୍ ଡାଉନ୍ ଘୋଷଣା କରିଛନ୍ତି। କୋରୋନା ମହାମାରୀ ବିଷୟରେ ସ୍ଵେଚ୍ଛାସେବୀ ଠାରୁ ଆରମ୍ଭ କରି ରାଜନେତା ପର୍ଯ୍ୟନ୍ତ ସମସ୍ତେ ଲୋକମାନଙ୍କୁ ସଚେତନ କରାଇବା ସହ ସାମାଜିକ ଦୂରତ୍ବ ରକ୍ଷା କରିବାକୁ ବାରମ୍ବାର ଅନୁରୋଧ କରୁଛନ୍ତି । ହେଲେ ତାହାର ବିପରୀତ ଦୃଶ୍ୟ ଦେଖିବାକୁ ମିଳିଛି ପୁରୀ ଜିଲ୍ଲା ନିମାପଡ଼ାରେ।
ସରକାର ନିୟମକୁ ଉଲଘଂନ କଲେ ଖୋଦ ସରକାରୀ କର୍ମଚାରୀ
ନିମାପଡା ଏନଏସିର କର୍ମଚାରୀ 2 ଟି ୱାର୍ଡର ହିତାଧିକାରୀ ମାନଙ୍କୁ କୁଶଭଦ୍ରା ନଦୀ ନିକଟସ୍ଥ ରାସବାଡି ମଠ ପଡିଆକୁ ଡାକି ସରକାରଙ୍କ ଦ୍ବାରା ଘୋଷିତ 1000 ଟଙ୍କା ଲେଖାଏଁ ସହାୟତା ରାଶି ବଣ୍ଟନ କରୁଥିଲେ । କିନ୍ତୁ ଏନେଇ ଅଭିଯୋଗ ପରେ ଉକ୍ତ ସ୍ଥାନରେ ପହଁଚି ଥିବା ଗଣ ମାଧ୍ୟମ ପ୍ରତିନିଧିଙ୍କୁ ଦେଖି ଟଙ୍କା ବାଣ୍ଟିବା ବନ୍ଦ କରି ସ୍ଥାନ ଛାଡି ଚାଲି ଯାଇଥିଲେ କର୍ମଚାରୀ।