ପୁରୀ: ନିଜ ବୋହୂକୁ ବାରମ୍ବାର ଦୁଷ୍କର୍ମ ଉଦ୍ୟମ କରିବା ଅଭିଯୋଗରେ ୭୨ ବର୍ଷ ବୟସ୍କ ଶ୍ବଶୁର ଗିରଫ । ଅସୁର ରୂପୀ ଶ୍ବଶୁରକୁ ଗିରଫ କରି ପିପିଲି ପୋଲିସ କୋର୍ଟ ଚାଲାଣ କରିଛି । ଅନ୍ୟପଟେ ପାଶିବକ ପ୍ରବୃତ୍ତିର ଶ୍ବଶୁରଙ୍କ କଳାକାଣ୍ଡ କାରନାମାକୁ ନିଜ ମୋବାଇଲ୍ରେ କଏଦ କରି ପ୍ରମାଣ ସହ ପୋଲିସ ପାଖରେ ଅଭିଯୋଗ କରିଥିଲେ ବୋହୂ । ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ଶ୍ବଶୁରଙ୍କୁ 14 ଦିନଆ ବିଚାର ବିଭାଗୀୟ ହାଜତକୁ ପଠାଇଦେଇଛନ୍ତି ଅଦାଲତ ।
ପୁରୀ ଜିଲ୍ଲା ପିପିଲି ସାତଶଙ୍ଖ ଅଞ୍ଚଳରେ ଘଟିଛି ଏଭଳି ଲଜ୍ଜ୍ୟଜନକ ଘଟଣା । ନିଜ ପୁତ୍ର ବଧୂକୁ ଉପରେ ପଡିଥିଲା କାମାନ୍ଧ ଶ୍ବଶୁରଙ୍କ ଲୋଲୁପ ନଜର । ଦୀର୍ଘ ଦିନ ହେଲା ବୋହୂ ଉପରେ ଦୁଷ୍କର୍ମ କରିବାକୁ ଉଦ୍ୟମ କରୁଥିଲେ କାମାସକ୍ତ ଶ୍ବଶୁର। ନିଜ ସ୍ବାମୀଙ୍କ ଆଗରେ ଓ ଘରର ଅନ୍ୟଲୋକଙ୍କ ଆଗରେ ଏହି କଥା ଉଠାଇଥିଲେ ମଧ୍ୟ କେହି ବିଶ୍ବାସ କରିନଥିଲା । ଶ୍ବଶୁରଙ୍କ ଏଭଳି ପଶୁତୁଲ୍ୟ ଆଚରଣରେ ଅତିଷ୍ଠ ଓ ଅଣନିଶ୍ବାସୀ ହୋଇ ବୋହୂ କରିଥିଲେ ଦୁଷ୍କର୍ମ ଉଦ୍ୟମର ଷ୍ଟିଙ୍ଗ୍ ଅପରେସନ । ନିଜ ମୋବାଇଲରେ ଶ୍ବଶୁରର କୁତ୍ସିତ କାରାନାମାର ଭିଡ଼ିଓ ଉତ୍ତୋଳନ କରିଥିଲେ। ଏହାସହ ଗତ 11 ତାରିଖରେ ପିପିଲି ଥାନାରେ ଲିଖିତ ଅଭିଯୋଗ ସହ ଭିଡିଓ କ୍ଲିପିଂ ଦାଖଲ କରିଥିଲେ । ଅଭିଯୋଗ ଆଧାରରେ ଶ୍ବଶୁରଙ୍କୁ ଗିରଫ କରିଛି ପୋଲିସ ।