ପୁରୀ: ପୁରୀରେ ମହିଳାଙ୍କୁ ଗୁଳିମାଡ ଘଟଣା । ମୁଖ୍ୟ ଅଭିଯୁକ୍ତ ବିଜୁକୁ ଏନକାଉଣ୍ଟର କଲା ପୁରୀ ପୋଲିସ । ଏନକାଉଣ୍ଟରରେ ଗତକାଲି ବିଳମ୍ବିତ ରାତିରେ ଜଣେ ମହିଳାଙ୍କୁ ଗୁଳିମାଡ କରିଥିବା ଅଭିଯୁକ୍ତ ବିଜୁ ବେହେରା ଏବେ ଆହତ ହୋଇଛି । ବିଜୁର ବାମ ଗୋଡରେ ବାଜିଛି ଗୁଳି।
ଗତକାଲି ମହିଳାଙ୍କୁ ଗୁଳିମାଡ ଘଟଣାରେ ପୋଲିସ ଘଟଣାକୁ ଗୁରୁତର ସହ ନେଇଥିଲା। ଅଭିଯୁକ୍ତକୁ ଧରିବା ପାଇଁ ପୋଲିସ ୪ ଟିମ ଗଠନ କରି ଚଢାଉ ଜାରି ରଖିଥିଲା । ତେବେ ଆଜି(ବୁଧବାର) କିଛି ସମୟ ପୂର୍ବରୁ ପୁରୀ ଏସପି ଘଟଣାକୁ ନେଇ ସୂଚନା ଦେଇଛନ୍ତି । ପୋଲିସ ଆଜି ବିଶ୍ବସ୍ତ ସୂତ୍ରରୁ ଖବର ପାଇ ଚନ୍ଦନପୁର ନିକଟରେ ଚଢାଉ କରିଥିଲା। ଚଢାଉ ବେଳେ ବିଜୁକୁ ଆତ୍ମସମର୍ପଣ କରିବାକୁ ପୋଲିସ କହିଥିବାବେଳେ ପୋଲିସ ଉପରକୁ ପାଲଟା ଗୁଳି ଚାଳନା କରିଥିଲା। ଆତ୍ମରକ୍ଷା ପାଇଁ ପୋଲିସ ବିଜୁକୁ ଏନକାଉଣ୍ଟର କରିଛି । ଆହତ ବିଜୁକୁ ଚନ୍ଦନପୁର ମେଡିକାଲରେ ଭର୍ତ୍ତି କରିଛି ପୋଲିସ ।