ବ୍ରହ୍ମଗିରି: ଚିଲିକାରେ ଆଜି ଠୁ (ରବିବାର) ଆରମ୍ଭ ହେଲା ଡଲଫିନ ଗଣନା। ଏହି କାର୍ଯ୍ୟରେ ନିୟୋଜିତ ଅଛନ୍ତି ମୋଟ 18ଟି ଟିମ୍ । ସାତପଡା ରେଞ୍ଜରେ 8ଟି ଟିମ ଓ ବାଲୁଗାଁ ରେଞ୍ଜରେ 10 ଟି ଟିମ ଡଲଫିନ ଗଣନା ଜାରି ରଖିଛନ୍ତି। ଏହି କାର୍ଯ୍ୟ ସକାଳ 6.30 ରୁ ଆରମ୍ଭ ହୋଇ ମଧ୍ୟାହ୍ନ 12ଟା ପର୍ଯ୍ୟନ୍ତ ଚାଲିବ।
ଚିଲିକାରେ ଡଲଫିନ ଗଣନା ଆରମ୍ଭ
ଏହି କାର୍ଯ୍ୟରେ ସିଡିଏ କର୍ମଚାରୀ, ବନ କର୍ମଚାରୀ, ଓୟୁଟି ଭୁବନେଶ୍ବର ଛାତ୍ର ଏବଂ ସ୍ବେଚ୍ଛାସେବୀ, ପରିବେଶବିତ ମାନେ ସାମିଲ ହୋଇଛନ୍ତି। ଜିପିଏସ, ବାଇନାକୁଲାର, ରେଞ୍ଜ ଫାଇଣ୍ଡର ଦ୍ବାରା ଗଣତି ଚାଲିଛି। ଗତବର୍ଷ ଚିଲିକାରେ 156 ଇରାୱାଡି ଡଲଫିନ ଦେଖିବାକୁ ମିଳିଥିଲା। ଚଳିତବର୍ଷ କେତେ ସଂଖ୍ୟାରେ ଡ଼ଲଫିନ ଚିଲିକାରେ ରହିଛନ୍ତି ଏହା ଗଣନା ପରେ ହିଁ ଜଣାପଡିବ।