'ଏଥର ପୁରୀରେ କଂଗ୍ରେସ ପାଇବ ସଫଳତା'

ବିଧାନସଭା ଆସନ ପାଇଁ କଂଗ୍ରେସରୁ ପ୍ରାର୍ଥୀ ହୋଇଛନ୍ତି ଅରୋ ପ୍ରସାଦ ମିଶ୍ର । ଇଞ୍ଜିନିୟରିଂ ଶିକ୍ଷାଗତ ଯୋଗ୍ୟତା ଥିବା ଅରୋ ଉଚ୍ଚ ବେତନ ଥିବା ଚାକିରୀ ଛାଡି ସେ ରାଜନୀତିର ମଇଦାନରେ ଓହ୍ଲାଇଛନ୍ତି ।

ପୁରୀ: ବିଧାନସଭା ଆସନ ପାଇଁ କଂଗ୍ରେସରୁ ପ୍ରାର୍ଥୀ ହୋଇଛନ୍ତି ଅରୋ ପ୍ରସାଦ ମିଶ୍ର । ଇଞ୍ଜିନିୟରିଂ ଶିକ୍ଷାଗତ ଯୋଗ୍ୟତା ଥିବା ଅରୋ ଉଚ୍ଚ ବେତନ ଥିବା ଚାକିରୀ ଛାଡି ସେ ରାଜନୀତି ମଇଦାନରେ ଓହ୍ଲାଇଛନ୍ତି । ପୁରୀବାସୀଙ୍କ ସେବା ପାଇଁ ସେ ରାଜନୀତିରେ ପାଦ ଥାପିଥିବା ବେଳେ ସହରବାସୀ ତାଙ୍କୁ ନେତା ବାଛିବା ପାଇଁ ସେ ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି।

ଏଥର ନିଶ୍ଚିତ ପୁରୀରେ କଂଗ୍ରେସ ସଫଳତା ପାଇବ ବୋଲି ସେ ଆଶା ବାନ୍ଧିଛନ୍ତି । କଂଗ୍ରେସ କର୍ମୀ ମଧ୍ୟ ତାଙ୍କ ପାଇଁ ଜୋରଦାର ପ୍ରଚାର ଅଭିଯାନ ଆରମ୍ଭ କରିଛନ୍ତି । ତେବେ ଘରକୁ ଘର କ୍ୟାମ୍ପେନିଂ କରୁଥିବା ବେଳେ ପୁରୀ କଂଗ୍ରେସ ପ୍ରାର୍ଥୀ ଅରୋ ପ୍ରସାଦ ମିଶ୍ରଙ୍କୁ ଭେଟିଥିଲା ଆମ ଇଟିଭି ଭାରତ ଟିମ ।

ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ