ବ୍ରହ୍ମଗିରି: ବ୍ରହ୍ମଗିରି ନିର୍ବାଚନ ମଣ୍ଡଳୀର ରାହଡ଼ମଲ୍ଲ ପଞ୍ଚାୟତ ଭାଟପଡା ଗ୍ରାମରେ ଦେଖା ଦେଇଛି ରାଜନୈତିକ ହିଂସା । ବିଜେଡ଼ି ଓ ବିଜେପି ମଧ୍ୟରେ ଦେଖାଦେଇଛି ଗୋଷ୍ଠୀ କନ୍ଦଳ । ଫଳରେ 8ଜଣ ଆହତ ହୋଇ ସ୍ଥାନୀୟ କେରାଣ୍ଡିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସାଧୀନ ଅଛନ୍ତି ।
ନିର୍ବାଚନ ଫଳାଫଳକୁ ନେଇ ଏହି ଗୋଷ୍ଠୀସଂଘର୍ଷ ଦେଖାଦେଇଥିବା ସୂଚନା ରହିଛି । ଭାଟପଡା ଗ୍ରାମରେ ରବିବାର ସକାଳୁ ରମେଶ ପ୍ରଧାନ ନାମକ ବ୍ୟକ୍ତିଙ୍କ ଉପରକୁ ବିଜେଡିର କିଛି ଲୋକ ଆକ୍ରମଣ କରିଥିବା ସେ ଅଭିଯୋଗ କରିଛନ୍ତି । ପରେ ଉଭୟ ଗୋଷ୍ଠୀ ମୁହାଁମୁହିଁ ହୋଇ ଟେକା ପଥର ମାଡ଼ କରିବା ସହ ଉଭୟ ପକ୍ଷରୁ ଏକାଧିକ ବୋମା ମାଡ଼ ହୋଇଥିଲା ।
ଗ୍ରାମରେ ଉତ୍ତେଜନା ସୃଷ୍ଟି ହେବାପରେ ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ଉଭୟ ପକ୍ଷକୁ ବୁଝାସୁଝା କରିବା ସହ ଗ୍ରାମରେ ଏକ ପ୍ଲାଟୁନ ପୋଲିସ ଫୋର୍ସ ଫ୍ଲାଗ୍ ମାର୍ଚ୍ଚ କରୁଥିବା ସୂଚନା ରହିଛି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ