ପୁରୀ: ସ୍ବର୍ଣ୍ଣାଭ ବେଳାଭୂମିରେ ବିଶ୍ବର ସବୁଠାରୁ ବଡ ସ୍ୟାଣ୍ଡ ଆର୍ଟ ନିର୍ମାଣ କରିଛନ୍ତି ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ। କରୋନା ସଂକ୍ରମଣ ସମ୍ପର୍କରେ ଜନସଚେତନତା ସୃଷ୍ଟି କରିବା ପାଇଁ 100 ଫୁଟ୍ ଲମ୍ବାର ନିର୍ମାଣ କରିଛନ୍ତି ସବୁଠାରୁ ବଡ ମାସ୍କ। ବଡଦିନ ଥିବାରୁ ଏହି ମାସ୍କକୁ ଦୁଇଜଣ ସାନ୍ତାକ୍ଲଜ୍ ଧରି ସଚେତନତାର ବାର୍ତ୍ତା ଦେଇଛନ୍ତି।
ବିଶ୍ବର ସର୍ବ ବୃହତ ବଲୁକା ଚିତ୍ର କଳାରେ କୋରୋନା ସଚେତନତା
ପ୍ରାୟ 6 ହଜାର ବର୍ଗଫୁଟ୍ ପରିମିତ ଅଞ୍ଚଳରେ ନିର୍ମିତ ଏହି 3D ବାଲୁକାକଳା ବେଶ୍ ଆକର୍ଷଣୀୟ ହୋଇଛି। ଗତ 2012 ମସିହାରେ 4900 ବର୍ଗଫୁଟ୍ ଅଞ୍ଚଳରେ ବାଲୁକାକଳା ନିର୍ମାଣ କରି ବାଲୁକାଶିଳ୍ପୀ ସୁଦର୍ଶନ ଲିମକା ବୁକ୍ ଅଫ୍ ରେକର୍ଡର ଅଧିକାରୀ ହୋଇଥିଲେ ।