ବ୍ରହ୍ମଗିରି: ବ୍ରହ୍ମଗିରି ତହସିଲ ଅନ୍ତର୍ଗତ ସୁନାମୁହିଁ ରାଜସ୍ବ ଅଞ୍ଚଳର ଚିଲିକା ମଝିରେ ଥିବା 100 ଏକର ବିଶିଷ୍ଟ କଣ୍ଟେଇ ଜାଣକୁ ଉଚ୍ଛେଦ କରି ଚିଲିକାରେ ମିଶାଇବା ପାଇଁ ପ୍ରଶାସନ ନିଷ୍ପତ୍ତି ନେଇଛି । ହାଇକୋର୍ଟଙ୍କ ଆଦେଶ କ୍ରମେ ପୁରୀ ଜିଲ୍ଲାପାଳଙ୍କ ନିର୍ଦ୍ଦେଶ ପାଇଁ ଏହି 100 ଏକର ବେଆଇନ ଘେରିକୁ ଡେନାମାଇଟ ଲଗାଇ ଉଡାଇବା ପାଇଁ ସ୍ଥିର କରାଯାଇଛି ।
ଏହି କାର୍ଯ୍ୟ କରିବା ପାଇଁ ଛତିଶଗଡ଼ରୁ ଏକ ପ୍ରଶିକ୍ଷଣ ଟିମ ଘଟଣାସ୍ଥଳରେ ପହଞ୍ଚିଛନ୍ତି । ଘେରିର ମାଟି ବନ୍ଧରେ 6 ଫୁଟ ଅନ୍ତରରେ ଗାତ କରାଯାଇ ପ୍ରାୟ 100ଟି ଡେନାମାଇଟ ଖଞ୍ଜାଯିବ ବୋଲି ଟିମ ସୂଚନା ଦେଇଛନ୍ତି ।
ଆଜି (ବୁଧବାର) ଦିନ ଜେସିବି ଯୋଗେ ବନ୍ଧ ସଫା କାର୍ଯ୍ୟ ଜାରି ରହିଛି । ଆସନ୍ତାକାଲି ଘେରିକୁ ବ୍ଲାଷ୍ଟ କରାଯିବ ବୋଲି ବ୍ରହ୍ମଗିରି ତହସିଲଦାର ସୂଚନା ଦେଇଛନ୍ତି। ଘଟଣାସ୍ଥଳରେ ତହସିଲଦାରଙ୍କ ସହିତ ଅତିରିକ୍ତ ତହସିଲଦାର, ବ୍ରହ୍ମଗିରି ଥାନା ଅଧିକାରୀ ଏବଂ 3 ପ୍ଲାଟୁନ ପୋଲିସ ଫୋର୍ସ ମୁତୟନ ଅଛନ୍ତି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ