ପୁରୀ: ଦୁଇ ଦିନ ପରେ ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ଘୋଷଯାତ୍ରା । ମହାପ୍ରଭୁଙ୍କ ପ୍ରତୀକ୍ଷାରେ ତିନି ରଥ । ଏଥିପାଇଁ ରଥ ଖଳାରେ ରଥ ନିର୍ମାଣ କାମ ପ୍ରାୟ ଶେଷ ପର୍ଯ୍ୟାୟରେ ପହଞ୍ଚିଛି । ରଥ ନିର୍ମାଣର ସିଂହଭାଗ କାର୍ଯ୍ୟ ଶେଷ ହୋଇଥିବା ଜଣାଯାଇଛି । ନିର୍ଦ୍ଧାରିତ ସମୟ ସୀମା ମଧ୍ୟରେ ରଥ କାମ ସାରିବା ପାଇଁ ଦିନରାତି ଏକ କରି କାମ କରୁଛନ୍ତି ମହାରଣା, ରୂପକାର, ଚିତ୍ରକାର ସେବାୟତ ।
ରଥରେ ୧୩ ପରସ୍ତ ପୋଟଳ ଏବଂ ପାରାଭାଡି ଲଗାଯାଇଛି। ତିନି ରଥରେ ଲାଗିବାକୁ ଥିବା ଦ୍ୱାର କାମ ଶେଷ ହୋଇଛି। ମହାରଣା ସେବକ ସିଂହାସନ, ପ୍ରଭା, କଳସ ନିର୍ମାଣ କରୁଛନ୍ତି । ରଥରେ ପଟାବାଡିଆ ଚାଲିଛି । ରୂପକାର ସେବକ ରଥ ରଙ୍ଗ କରୁଛନ୍ତି । ପାର୍ଶ୍ବ ଦେବଦେବୀ, ଚକ, ହଂସପଟା, ଦୁଆଗଡା, କନ୍ୟାପଟା ଏବଂ ସାରଥୀଙ୍କୁ ରଙ୍ଗ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ