ପୁରୀ: କେନ୍ଦ୍ରାଞ୍ଚଳ ଡିଆଇଜି ଭାବେ ଆଶିଷ ସିଂ କାର୍ଯ୍ୟଭାର ଗ୍ରହଣ କରିଛନ୍ତି । ଏହି ଅବସରରେ ସେ ଗୁରୁବାର ସନ୍ଧ୍ୟାରେ ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ କରି ଆଶୀର୍ବାଦ ନେଇଛନ୍ତି। ନିଜ ଦାୟିତ୍ବକୁ ଶୃଙ୍ଖଳିତ ଭାବେ ତୁଲାଇବା ନେଇ ସେ ଶ୍ରୀଜୀଉଙ୍କ ଠାରେ ପ୍ରାର୍ଥନା କରିଛନ୍ତି।
ନବନିଯୁକ୍ତ ଡିଆଇଜିଙ୍କ ପୁରୀଗସ୍ତ
‘ରାଜ୍ୟ ସରକାର ପୁରୀକୁ ବିଶ୍ବ ଐତିହ ସହର ଭାବେ ଗଢିବାକୁ ଯୋଜନା ଆରମ୍ଭ କରିଦେଇଛନ୍ତି । ଏହାକୁ ତ୍ବରାନ୍ବିତ କରି ଆଗେଇ ନେବାକୁ ସେ ପ୍ରଚେଷ୍ଟା ରହିବ’ ବୋଲି ସିଂ କହିଛନ୍ତି। ଏଥିସହ ଶ୍ରୀମନ୍ଦିର ଭିତର ଓ ବାହାରେ ସୁରକ୍ଷା ବ୍ୟବସ୍ଥା କଡାକଡି କରାଯିବା ସହ ଆଗାମୀ ଦିନରେ ଭକ୍ତ ମାନେ ଯେପରି ଏକ ନିଆରା ଅନୁଭୂତି ନେଇ ଶ୍ରୀକ୍ଷେତ୍ରରୁ ଫେରିବେ ସେଥିଲାଗୁ ପ୍ରସ୍ତୁତି ଜାରି ରହିଛି । ଏଥିପାଇଁ ବିଶେଷ କରି ପୁରୀ ସହର ବାସୀ , ସେବକମାନେ ଆଗେଇ ଆସି ସରକାରଙ୍କୁ ସହଯୋଗ କରିବାକୁ ସେ ଆହ୍ବାନ ଦେଇଛନ୍ତି।