ପୁରୀ: ଶ୍ରୀକ୍ଷେତ୍ର ପୁରୀ ଆଜି ଉତ୍ସବ ମୁଖର। ମହାପ୍ରଭୁଙ୍କ ଘୋଷଯାତ୍ରାରେ ସମଗ୍ର ବିଶ୍ବ ଆଜି ମହାବାହୁଙ୍କୁ ବଡଦାଣ୍ଡରେ ଦେଖୁଛି । କାଳିଆ ଠାକୁର ଭାଇ ଭଉଣୀଙ୍କୁ ସାଥୀରେ ଧରି ଜନ୍ମ ବେଦି ଗୁଣ୍ଡିଚା ମନ୍ଦିର ଯାଇଛନ୍ତି । ତେବେ କେଵଳ ବଡ଼ ଦାଣ୍ଡ ନୁହେଁ ଶ୍ରୀକ୍ଷେତ୍ର ପୁରୀ ସହରର ଗଳିକନ୍ଦିରେ ଆଜି ରଥଯାତ୍ରା ପାଳନ ହୋଇଛି ।
ପରମ୍ପରା ଅନୁସାରେ ବିଭିନ୍ନ ସାହିର ଛୋଟ ପିଲା ମାନେ କୁନି କୁନି ରଥ କରି ବଡ଼ଦାଣ୍ଡ ଅଭିମୁଖେ ଯାଇଥିଲେ । ଘଣ୍ଟ ବଜାଇ , ଜୟ ଜଗନ୍ନାଥ ଡାକି ରଥ ଟାଣି ଥିଲେ । ଅନେକ ଭକ୍ତ ମଧ୍ୟ ଏହି କୁନି ରଥରେ ବିରାଜମାନ ହୋଇଥିବା ମହାପ୍ରଭୁଙ୍କୁ ଦର୍ଶନ କରି ଆନନ୍ଦ ଲାଭ କରିଥିଲେ।