ପୁରୀ: ବଡଦାଣ୍ଡରେ ଆରମ୍ଭ ହୋଇଛି 75 ମିଟର ପର୍ଯ୍ୟନ୍ତ ଜବରଦଖଲ ଉଚ୍ଛେଦ ପ୍ରକ୍ରିୟା । ହେଲେ ବିନା କୌଣସି ନୋଟିସରେ ଏହି ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଥିବାରୁ ଧାରଣାରେ ବସିଛନ୍ତି ବ୍ୟବସାୟୀ । ସେମାନଙ୍କ କହିବା ଅନୁଯାୟୀ ବିନା କୌଣସି ନୋଟିସ ତଥା ଥଇଥାନ ବ୍ୟବସ୍ଥାରେ ଆରମ୍ଭ ହୋଇଥିବା ଏହି ଉଚ୍ଛେଦ ପ୍ରକ୍ରିୟାକୁ ବନ୍ଦ କରାଯାଉ । ନଚେତ୍ ଆନ୍ଦୋଳନ ତୀବ୍ରତର ହେବ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ସୂଚନା ଅନୁଯାୟୀ ଶ୍ରୀମନ୍ଦିର ଚତୁଃପାର୍ଶ୍ବରେ ପ୍ରାୟ 75 ମିଟର ପର୍ଯ୍ୟନ୍ତ ଥିବା ଜବରଦଖଲ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି । ଏଥିରେ ରବିବାର ପୋଲିସ ପକ୍ଷରୁ ଶ୍ରୀମନ୍ଦିର ପାଖରେ ଥିବା ଲାଙ୍ଗୁଳି ମଠ, ଏମାର ମଠ ଓ ବଡ ଆଖଡା ମଠରେ ଦୋକାନ କରିଥିବା ବ୍ୟବସାୟୀଙ୍କୁ ସୋମବାର 1ଟା ସୁଦ୍ଧା ଜାଗା ଖାଲି କରିବାକୁ କୁହାଯାଇଛି ।