ଷ୍ଟେସନାରୀ ଦୋକାନ ଉପରକୁ ବୋମାମାଡ଼ ଓ ଲୁଟ

ବ୍ରହ୍ମଗିରି ପଲଙ୍କ ଛକରେ ଷ୍ଟେସନାରୀ ଦୋକାନ ଉପରକୁ ବୋମାମାଡ । ଶନିବାର ବିଳମ୍ବିତ ରାତିରେ ଘଟିଛି ଏହି ଘଟଣା । ଦୋକାନ ମାଲିକ ଥାନାରେ କଲେ ଅଭିଯୋଗ ।

ବ୍ରହ୍ମଗିରି: ବଢି ଚାଲିଛି ଅପରାଧ । ନିର୍ଭୟରେ ଅପରାଧ ଭିଆଉଛନ୍ତି ଡକାୟତ । ତେବେ ବ୍ରହ୍ମଗିରି ପଲଙ୍କ ଛକରେ ଥିବା ଏକ ଷ୍ଟେସନାରୀ ଦୋକାନ ଉପରକୁ ବୋମାମାଡ ଓ ଲୁଟ । ଶନିବାର ବିଳମ୍ବିତ ରାତିରେ ଦୋକାନରେ କିଛି ଦୁର୍ବୃତ୍ତ ବୋମାମାଡ କରି ଲୁଟ କରିଥିବା ଜଣାପଡିଛି ।

ତେବେ ଦୋକାନ ମାଲିକଙ୍କ ନାମ ଚରଣ ସାହୁ ବୋଲି ଜଣାପଡିଛି । ସକାଳୁ ଚରଣ ଦୋକାନ ଖୋଲିବା ପାଇଁ ଯିବା ବେଳେ ବୋମାମାଡ ସହ ଲୁଟ ହୋଇଥିବା ଜାଣିବା ପାଇଁ ପାଇଥିଲେ। ତେବେ ସଙ୍ଗେ ସଙ୍ଗେ ସେ ଏନେଇ ସ୍ଥାନୀୟ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଆଧାର କରି ପୋଲିସ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରୁଛି ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ