ପୁରୀ:ପୁରୀରେ ପୁଣି ବାରହା ଆତଙ୍କ । ଲୋକନାଥ ରୋଡ଼ ପାର୍ବତୀ ପୁର ଅଞ୍ଚଳରେ ଦୁଇଟି ବାରହା ରାତିରେ ବୁଲୁଥିବାର ଦୃଶ୍ୟ ସିସିଟିଭିରେ କଏଦ ହୋଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି । ତୁରନ୍ତ ଏହି ବାରହାକୁ କାବୁ କରିବା ପାଇଁ ସ୍ଥାନୀୟ ଲୋକେ ଦାବି କରିଛନ୍ତି ।
ପୁରୀରେ ପୁଣି ବାରହା ଆତଙ୍କ
ତେବେ ଗତକିଛି ଦିନ ପୂର୍ବରୁ ପୁରୀ ସ୍ୱର୍ଗଦ୍ୱାର ଅଞ୍ଚଳରେ ବାରହା ଆକ୍ରମଣରେ ୬ ଜଣ ଆହତ ହୋଇଥିବା ବେଳେ ଦୁଇଜଣ ଗୁରୁତର ଆହତ ହୋଇ ସଦର ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିଲେ । ଏନେଇ ଖବର ପରେ ପୋଲିସ, ଅଶ୍ନିଶମ ବିଭାଗ ସହ ଜଙ୍ଗଲ ଓ ପରିବେଶ ବିଭାଗ ଲୋକନାଥ ରୋଡ଼ ଛପନଛକର ଏକ ନାଳ ଭିତରୁ ବାରାହକୁ ଉଦ୍ଧାର କରିଥିଲେ । ପରେ ଏହାକୁ ନେଇ ସାତପଡ଼ା ଜଙ୍ଗଲରେ ଛଡ଼ାଯାଇଥିଲା ।