ପୁରୀ: ଆଇନ ଶୃଙ୍କଳା ବ୍ୟବସ୍ଥାକୁ ସମ୍ପୂର୍ଣ୍ଣ ଅଣଦେଖା । ମାନୁନାହାଁନ୍ତି ଯୁବକ । ସହରରେ ଥମିବାରେ ନାଁ ନେଉନାହିଁ ଫାଙ୍କା ଗୁଳିଚାଳନା ଘଟଣା । ପୁନର୍ବାର ଭାଇରାଲ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି ଫାଙ୍କା ଗୁଳିଚାଳନା ଭିଡ଼ିଓ । ଦୁଇ ଜଣ ଯୁବକ ତିନି ରାଉଣ୍ଡ ଗୁଳି ଚଳାଇବା ସ୍ପଷ୍ଟ ଭାବେ ଭିଡ଼ିଓରେ ଦେଖିବାକୁ ମିଳିଛି ।
ପୁରୀରେ ଫୁଟୁଛି ପୁଣି ଗୁଳି
ଯୁବକ ଦୁଇ ଜଣ କିଏ ଓ କେଉଁଠାରେ ଏହି ଫାଙ୍କା ଗୁଳି ଚାଳନା କରୁଛନ୍ତି ସେ ନେଇ କିଛି ସ୍ପଷ୍ଟ ହୋଇ ନାହିଁ । ତେବେ ଏହି ଘଟଣାକୁ ନେଇ ଏବେ ପୁରୀ ସହରରେ ଆଇନ ଶୃଙ୍ଖଳା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ଖୁଲମଖୁଲା ବନ୍ଧୁକ ଧରି ଅପରାଧି ମାନେ ବୁଲୁ ଥିବା ସ୍ପଷ୍ଟ ହୋଇଛି । କେଉଁ ମୁହୂର୍ତ୍ତରେ କେଉଁ ଅଘଟଣ ଘଟିବ ସେନେଇ ଆଶା ଆଶଙ୍କାରେ ସହରବାସୀ ।