ପୁରୀ: ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ପୁରୀରେ ଲକ୍ଷାଧିକ ଲୋକଙ୍କ ସମାଗମ ହୋଇଛି । ଜଗାବଳିଆଙ୍କୁ ଦର୍ଶନ କରୁକରୁ ଏହି ଭିଡ ଭିତରେ ଫସି ଯାଇଛନ୍ତି । ଏହି ପରିସ୍ଥିତିରେ ନିଜ ସଂପର୍କୀୟଙ୍କ ହାତ ଛାଡି ହୋଇଯାଉଛି । ଫଳରେ ଅନେକ ନିଜ ସାଙ୍ଗରେ ଆସିଥିବା ଲୋକଙ୍କ ଠାରୁ ଅଲଗା ହୋଇଯାଇଥିବା ଦେଖିବାକୁ ମିଳିଛି ।
ଏପରିକି ଅନେକ କାନ୍ଦୁଥିବାର ଦୃଶ୍ୟ ଦେଖାଯାଇଛି । ବୟସ୍କ ଲୋକଙ୍କ କ୍ଷେତ୍ରରେ ଏହି ଘଟଣା ଅଧିକ ହୋଇଛି । ସୂଚନାକେନ୍ଦ୍ରରେ ଘୋଷଣା ପରେ ମଧ୍ୟ କେହିକେହି ମିଳୁନାହାଁନ୍ତି । ସେହିପରି ଏକ ଘଟଣା ଘଟିଛି ଯାଜପୁର ବରୀ ବ୍ଲକ ଅନ୍ତର୍ଗତ ନାଥପୁରରୁ ଆସିଥିବା ଦୁର୍ଯ୍ୟୋଧନ ଦଳେଇଙ୍କ କ୍ଷେତ୍ରରେ । ସେ ନିଜ ପତ୍ନୀଙ୍କୁ ଭିଡରେ ନ ପାଇଁ କାନ୍ଦୁଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ