ବ୍ରହ୍ମଗିରି: କୋରୋନା ପାଇଁ ବ୍ରହ୍ମଗିରିର ପ୍ରସିଦ୍ଧ ଅଲାରନାଥ ମନ୍ଦିରରେ ପ୍ରବେଶ ମନା । କୋରୋନାର ଭୟାବହତାକୁ ଦେଖି ଜିଲ୍ଲା ପ୍ରଶାସନ ଅଲାରନାଥ ମନ୍ଦିର ବନ୍ଦ କରିଛି। ଶୁକ୍ରବାର ଦିନ ସକାଳୁ ବ୍ରହ୍ମଗିରି ତହସିଲଦାର ଓ ଆଇଆଇସି ପହଁଚି ମନ୍ଦିର ବନ୍ଦ କରିଛନ୍ତି । କେବଳ ସେବାୟତମାନେ ମନ୍ଦିର ଭିତରକୁ ଯାଇ ଠାକୁରଙ୍କ ନୀତିକାନ୍ତି କରି ପାରିବେ ବୋଲି ସୂଚନା ମିଳିଛି।
କୋରୋନା ଭୟ: ଅଲାରନାଥ ମନ୍ଦିର ବନ୍ଦ କଲା ପ୍ରଶାସନ
ଅସନ୍ତା 14 ଦିନ ପାଇଁ ମନ୍ଦିର ବନ୍ଦ ରହିବ। ଏହା ଓଡିଶାର ଏକ ପ୍ରମୁଖ ଧାର୍ମିକ ସ୍ଥଳୀ ହୋଇଥିବା ବେଳେ ଏଠାକୁ ପ୍ରତିଦିନ ରାଜ୍ୟ ବାହାରୁ ବହୁ ଭକ୍ତ ଦର୍ଶନ ପାଇଁ ଆସିଥାନ୍ତି । କୋରୋନାର ମୁକାବିଲା ପାଇଁ ସତର୍କତା ଦୃଷ୍ଟିରୁ ଏପରି ବ୍ୟବସ୍ଥା କରାଯାଇଛି।